Сэтинньи ый күнүн-дьылын хайдах билгэлииллэр эбитий?
Сэтинньини айан суолун туруута дииллэр. Өссө сороҕор төһө да сылаас күннэр турдаллар, сэтинньи алтыс-тохсус күннэриттэн кыһын кэлэр, оттон дьиҥнээх бытархан тымныы сэтинньи 25 күнүттэн саҕаланар диэн суруйаллар.
Сэтинньи 8 күнүгэр — балык миинин курдук былытырдаҕына, тымныы кэлэр. Миитэрэйэп. Идэһэ кэмэ. Оттон бу күн хаар түстэҕинэ, саас хойутаан кэлэр, кыһын ириэрэр диэн эмиэ бэлиэтэнэр.
Сэтинньи 12 күнүгэр — ымыы чыычаах тэлгэһэҕэ мустар. Туллук тэлгэһэҕэ түһэн, от сыатын сиир.
Сэтинньи 21 күнүгэр — сис былыт, оччоҕо ахсынньы 19-гар диэри ичигэс. Ириэрдэҕинэ, ахсынньы 19-с күнүгэр диэри салҕанар, кырыа түстэҕинэ, хаар өлгөмнүк түһэр, бу күн сарсыардаттан туманнаах буоллаҕына, ириэрии буолар.
Сэтинньи 22 күнэ — былытырдаҕына, ахсынньы 4-гэр диэри ичигэс. Дьүкээбил уоттаннаҕына, былыт (ичигэс) кэлэр. Мас кырыаланнаҕына тымныы түһэр, туман түстэҕинэ ириэрэр.
Сэтинньи 28 күнэ — сис былыттаах буоллаҕына, халлаан итийэр, от-мас кырыаран ылыа.
«Айар» кинигэ кыһатыгар 2009, 2015 сылларга тахсыбыт «Саха халандаарыттан»
Хаартыска СИА
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…