Сэттэ киһи эмсэҕэлээбит, биэс киһи суорума суолламмыт

Куһаҕан сурах сымыйа буолбат. Ахсынньы 19 күнүттэн 20 күнэ үүнэр түүнүгэр Бүлүү (Вилюйский) переулогар түүн 2 чааска баһаар буолла диэн СӨ Байыаннай комиссариата иһитиннэрэр.

Уот чаастарын хаалларан барбыт байыаннай сулууспалаахтар сытар изолятордарыгар буолбут.

Буруоттан сэттэ киһи эмсэҕэлээбит, кинилэр балыыһаҕа сыталлар. Медиктэр ирдэнэр көмөнү барытын оҥороллор. Биэс киһи суорума суолламмыт, кинилэр кимнээхтэрин быһаараллар.

Байыаннай комиссариат иһитиннэрбитинэн, баһаар төрүөтэ быһаарылла сылдьар. Билигин миэстэтигэр туһааннаах уорганнар үлэлииллэр. Өлбүт дьон чугас дьонноругар, аймахтарыгар кутурҕаммытын биллэрэбит  диэн Өрөспүүбүлүкэ суһал ыстаабын телеграм-ханаалыгар суруйаллар.