Соторутааҕыта РФ сыыппараны сайыннарыыга, сибээскэ уонна маассабай коммуникацияҕа миниистирэ Максут Шадаев уонна СӨ Ил Дархана Айсен Николаев интэриниэт ситимин тардыыга бииргэ үлэлииргэ аналлаах сөбүлэҥи түһэристилэр.
Бу сөбүлэҥ чэрчитинэн, «Синергия Арктики» диэн бырайыагы олоххо киллэрии саҕаланна. Ол курдук, 2025 сыл бүтүүтэ ыраах сытар арктическай улуустар түргэн интэриниэккэ холбонуохтара. Бырайыакка уопсайа 72 тыһыынча нэһилиэнньэлээх 86 муниципальнай тэриллии киирдэ.
Алтынньы 7 күнүгэр СӨ Бырабыыталыстыбатын бэрэссэдээтэлэ Андрей Тарасенко өрөспүүбүлүкэ тустаах министиэристибэлэригэр «Синергия Арктики» үбүлээһинин бырайыагын бэлэмнииргэ сорудахтаабыт.
— Бырайыак олоххо киирдэҕинэ, электроннай өҥөлөр толоруллар хаачыстыбата тупсуоҕа уонна тарыып сыаната биллэ чэпчиэҕэ. Бу Саха сиригэр эрэ буолбакка, бүтүн Уһук Илин эрэгийиэн сайдыытыгар оруоллах буолуоҕа. «Синергия Арктики» бырайыагы тутуу үс түһүмэҕинэн ыытыллыаҕа. Бастакы түһүмэх 2022-2023, иккис 2024, үһүс 2025 сылларга ыытыллыахтара. Бырайыак түмүктүүр түһүмэҕинэн 7000 км уһуннаах, 392 Гбит кыамталаах оптоволокно утаҕа үлэҕэ киириэҕэ, — диэн СӨ инновацияҕа миниистирэ Анатолий Семенов диэн быһаарар. Бэлиэтээн эттэххэ, бүгүҥҥү күҥҥэ Саха сирин үрдүнэн 13 тыһыынча км уһуннаах анал утах тутуллубут. Өрөспүүбүлүкэ үрдүнэн 373 нэһилиэнньэлээх пуунугар интэриниэт ситимэ тиэрдиллибит.
Саха сиригэр 2024 сылга национальнай бырайыактар чэрчилэринэн 79 социальнай эбийиэк тутуллуохтаах. Бу хаһааҥҥытааҕар даҕаны элбэх.…
Саха Өрөспүүбүлүкэтин күнүн түмүктүүр тэрээһин Опера уонна балет тыйаатырыгар ыытылынна. Арассыыйа уонна Саха сирин өрөгөй…
Дьокуускай куорат 1-кы нүөмэрдээх оскуолатын бастакы сыбаайатын түһэрии үөрүүлээх тэрээһинэ Өрөспүүбүлүкэ күнүгэр сөп түбэспитинэн бэлиэ…
Кулун тутар уонна муус устар ыйдарга Улан-Батор куоракка Монгол цииркэтин сайыннарар киин 10 сыллаах үбүлүөйүн…
Бүгүн, муус устар 27 күнүгэр, Ил Дархан АЙсен Николаев Российскай Федерация уонна Саха Өрөспүүбүлүкэтин судаарыстыбаннай…
Өрөспүүбүлүкэ күнүнэн СӨ Бырабыыталыстыбатын бэрэссэдээтэлин солбуйааччы Анатолий Семенов биллиилээх бэлитиичэскэй диэйэтэл Илья Егорович Винокуров пааматынньыгар…