Ситэриилээх былаас отчуота Уус-Ньараҕа түмүктэннэ

Саала иһэ толору киһинэн туолан, олохтоохтор бэрт үгүс суолталаах боппуруостары биэрэн, отчуот үрдүк таһымнанна.

Улуус киинин дьокутааттара ситэриилээх былаас салайааччыларын кытта көрсүһүүгэ бэрт тэрээһиннээхтик бэлэмнэнэн кэлбиттэр. Кинилэр Уус-Ньара сайдыытыгар, суолу өрөмүөннээһиҥҥэ, иһэр ууну ырааһырдыыга, эдэр исписэлиистэри олорор дьиэнэн хааччыйыыга сыһыаннаах боппуруостары биэрдилэр уонна тустаах хоруйдары ыллылар.

СӨ Бырабыыталыстыбатын бэрэссэдээтэлин солбуйааччы Сергей Местников ситэриилээх былаас отчуотугар Уус-Ньара олохтоохторо олус көхтөөхтүк кыттыбыттарыгар истиҥник махтанан туран, «Туруорсубут боппуруостаргыт бары быһаарыллар кыахтаахтар, үлэлэһиэхпит», — диэн бэлиэтээтэ. Отчуот туһунан сиһилии матырыйаал «Саха сирэ» хаһыат кэлэр нүөмэрдэригэр тахсыаҕа.