Салгыы
Словакия бэрэсидьиэнинэн Арассыыйаҕа чугас киһи буолла

Словакия бэрэсидьиэнинэн Арассыыйаҕа чугас киһи буолла

07.04.2024, 19:32
МК сайтыттан
Бөлөххө киир:

Бу өрөбүллэргэ Словакияҕа бэрэсидьиэн быыбарын иккис түһүмэҕэ буолан ааста. Бэрэсидьиэнинэн Петер Пеллегрини диэн Киев эрэсиимигэр Европа көмөтүн тохтоторун туруорсар бэлиитик талылынна.

 Бэрэсидьиэн быыбарын бастакы түһүмэҕэр тоҕус кандидаттан куоластааччылар 50 бырыһыаннарын ким да ылбатаҕа, ол иһин быыбар иккис түһүмэҕэ ыытыллар буолбута. Манна элбэх куолаһы хомуйбут өрөспүүбүлүкэ тас дьыалаларыгар урукку миниистирэ Иван Корчок уонна Национальнай Сэбиэт бэрэссэдээтэлэ Петер Пеллегрини киирсибиттэрэ.

Эспиэрдэр бу быыбары Европа уонна Арассыыйа күрэхтэһиилэрэ диэн ааттаабыттара. Санатан эттэххэ, Словакия Өрөспүүбүлүкэтин Конституциятынан бэрэсидьиэн сүрүннээн бэрэстэбиитэл курдук сылдьар, сүрүн үлэни премьер-миниистир толорор. Ол эрээри бэрэсидьиэн тахсар сокуоннарга вето түһэрэр, норуоттар икки ардыларынааҕы дуогабардары бигэргэтэр (ратификация), судьуйалары аныыр бырааптаах. Былырыын балаҕан ыйыгар Словакияҕа парламент быыбара буолан ааспыта. Быыбар түмүгүнэн Киев эрэсиимин утарар, байыаннай көмөнү ыытары тохтоторго туруорсар бэлиитик Роберт Фицо премьер-миниистиринэн талыллыбыта.

Петер Пеллегрини Роберт Фицо курдук Европа дойдулара Арассыыйаҕа киллэрбит араас хааччахтара туох да туһаны аҕалбаттарын, төттөрүтүн бэйэлэригэр хоромньуну аҕалалларын этэр. Европа сойууһа Киев эрэсиимигэр байыаннай көмөнү тохтотуон наадатын туруорсар уонна Украина НАТО-ҕа киирэрэ сатамматын этэр.

Словакия Өрөспүүбүлүкэтэ – Киин Европа судаарыстыбата, 90-с сыллардаахха Чехияттан арахсан, автономиятын ылынан туспа судаарыстыба буолбута. Европа сойууһун, НАТО чилиэннэрэ. Чехияны, Австрияны, Польшаны, Венгрияны, Украинаны кытары кыраныыссалаһан олорор. Нэһилиэнньэтин ахсаана биэс аҥаар мөлүйүөнтэн тахса. 2022 сылтан Арассыыйаҕа, Европа атын дойдуларын курдук, эмиэ хааччаҕы киллэрэн, бииргэ үлэлэһэрин тохтоппута. Ол эрээри быйыл тохсунньуттан өрөспүүбүлүкэ култууратын министиэристибэтэ Арассыыйаны уонна Белоруссияны кытары үлэтин сөргүтүөҕүн туһунан иһитиннэрбитэ.

+1
1
+1
1
+1
0
+1
0
+1
0
+1
0
+1
0
Бары сонуннар
Салгыы
27 мая
  • 19°C
  • Ощущается: 18°Влажность: 30% Скорость ветра: 3 м/с

Сообщить об опечатке

Текст, который будет отправлен нашим редакторам: