Социальнай гаастааһын быйылгы былаанын Саха сирэ номнуо 115% толордо. Ол курдук, 2022 сылга 2 353 олорор дьиэ гааска холбонон (былаан быһыытынан 2 041), Уһук Илин федеральнай уокуругар социальнай гаастааһыҥҥа инники күөҥҥэ таҕыста.
Санатан эттэххэ, Ил Дархан Айсен Николаев сорудаҕынан, кыра дохуоттаах, ол иһигэр быстах хомуурга барбыт дьон дьиэ кэргэттэригэр көмөлөһөр туһунан быһаарыы ылыныллыбыта. Көмө харчы кээмэйэ 150 тыһыынча солкуобай. Бу үбү гражданнар гаас оборудованиетын атыылаһыыга, туруортарыыга туһаныахтарын сөп.
Олорор дьиэлэргэ гааһы холбооһун үлэтэ билигин даҕаны салҕанан бара турар. Аҥаардас Дьокуускай куоракка күн бүгүн өссө 100 дьиэ күөх төлөҥҥө холбоноору бэлэм турар. Бырамыысыланнас уонна геология миниистирэ Максим Терещенко иһитиннэрбитинэн, эрэгийиэҥҥэ олорор дьиэҕэ гааһы киллэртэриигэ Чурапчы, Горнай, Бүлүү, Мэҥэ Хаҥалас, Үөһээ Бүлүү улуустара инники сылдьаллар.
Билигин өрөспүүбүлүкэҕэ 2023 сылга социальнай гаастааһын бырагырааматын олоххо киллэриигэ бэлэмнэнии үлэтэ ыытыллар. Барыллааһын быһыытынан кэлэр сылга 1359 дьиэ холбонуохтаах, номнуо 500 дуогабар түһэрсиллибит.
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…