Хаартыска; СӨ Бырабыыталыстыбатын пресс-сулууспатын саайтыттан.
Быйыл Саха сиригэр 557 киһи бэйэ дьыалатын арынаары социальнай хантараагы түһэрсибит.
Үлэ уонна социальнай сайдыы министиэристибэтэ иһитиннэрбитинэн, маныаха 211 мөлүйүөн кэриҥэ солкуобай көрүллүбүт. Уопсайа сыл саҕаланыаҕыттан өрөспүүбүлүкэҕэ уопсайа 453,5 мөлүйүөн солкуобай суумалаах 3251 социальнай дуогабар түһэрсиллибит диэн бэлиэтээтэ Үлэ уонна социальнай сайдыы миниистирэ Елена Волкова.
Судаарыстыбаннай социальнай дуогабарга олоҕурбут социальнай көмө эрэгийиэҥҥэ олохтоммут тиийинэн олоруу таһымыттан намыһах дохуоттаах соҕотох олорор дьоҥҥо оҥоһуллар. Биллэн турар, өйөбүл биир бастакынан элбэх оҕолоох ыалларга, ону тэҥэ анал байыаннай дьайыыга кыттыбыт дьон дьиэ кэргэттэригэр оҥоһуллар.
“Билиҥҥи туругунан социальнай дуогабар саамай тарҕаммыт хайысхаларынан биирдиилээн урбаан үлэтин сайыннарыы уонна чааһынай хаһаайыстыбаны салайыы буолаллар”, — диэн миниистир Елена Волкова бэлиэтээтэ. 2024 сылтан бу хайысхаларга социальнай дуогабары түһэрсиигэ сүрүн усулуобуйа – анал тест толоруу. Бэрэбиэркэни ааспатах дьоҥҥо үөрэтии олорор сиригэр уонна тэйиччи үлэ пуорманан ыытыллар, ол кэнниттэн кууруһу бүтэрбиттэрин туһунан туоһу сурук бэриллэр.
Социальнай дуогабар чэрчитинэн, өрөспүүбүлүкэҕэ биэнсийэлээх уонна инбэлиит үлэтэ суох гражданнары өйүүр анал бырагыраамалар эмиэ бааллар. Социальнай дуогабарга олоҕурбут судаарыстыбаннай социальнай көмө кыра дохуоттаах гражданнары уонна кинилэр дьиэ кэргэттэрин, ону тэҥэ олох уустук балаһыанньатыгар түбэспит дьон үп-харчы балаһыанньатын тупсарыыларыгар туһуланарын бэлиэтээтэ миниистир Елена Волкова.
Быйылгыттан Дьокуускайга оптуобустан сибэккини атыылыыр бобуллар. Бу ирдэбили сааскы бырааһынньыктар кэмнэригэр анал мобильнай бөлөхтөр бэрэбиэркэлиэхтэрэ…
Саха сиригэр хантараагынан байыаннай сулууспаҕа сүүмэрдээһин салҕанар. Бүгүн, олунньу 6 күнүгэр, брифиҥҥэ Дьокуускайга хантараагынан байыаннай…
Нэһилиэнньэни кытта бииргэ үлэлээһин көдьүүстээхтик барарын хааччыйар уонна төһө кыалларынан элбэх олохтооҕу хабар инниттэн хамаанда…
Ааспыт сууккаҕа Саха сирин үрдүнэн биэс буруйу оҥоруу түбэлтэтэ тахсыбыт, баларга сөптөөх бэрэбиэркэ ыытылларын туһунан…
Киһи доруобуйата хайдаҕын тиис туоһулуур. Ол курдук бөҕө-таҕа, маҥан тиис үгүс киһи баҕа санаата. Ол…
Бу нэдиэлэҕэ үп-харчы эйгэтигэр сулустар икки өрүттээх дьайыыны оҥоруохтара. Биир өттүттэн, күүстээх Меркурий чуолкай былааннары,…