Социальнай остолобуой бүтэһигин аһатыаҕа

Бу субуотаҕа, балаҕан ыйын 6 күнүгэр, Дьокуускайга баар Ирина Гузова аатынан социальнай остолобуой бүтэһигин аһатыаҕа уонна сабыллыаҕа. Бу туһунан остолобуой салайааччыта Марина Тугова yakutia-daily.ru саайтка иһитиннэрбит.

«Ытыктабыллаах куорат олохтоохторо, ыалдьыттара, спонсордарбыт, биһигини кытта аҕыс сылы быһа бииргэ үлэлээн кэлбит дьоммут! «Үтүөнү бары бииргэ оҥоруохха» диэн санаанан салайтаран, эһиги олоххутун кыратык да буоллар үчүгэй оҥорорго кыһаллыбыппыт. Ирина Борисовна Гузова аатынан социальнай остолобуой үлэтин тохтоторго күһэлиннэ. Онон балаҕан ыйын 6 күнүгэр куруук сылдьар дьоммутугар, тапталлаах эбэлэрбитигэр, эһэлэрбитигэр, биэнсийэлээхтэрбитигэр (инбэлииттэргэ) бырааһынньыктааҕы күнүскү аһылыгы тэрийиэхпит», — диэн остолобуой салайааччыта суруйбут.