Социальнай тэрилтэҕэ тахсыбыт охсуһуу холуобунай дьыалаҕа тиийдэ

Социальнай тэрилтэҕэ тахсыбыт охсуһууттан сылтаан холуобунай дьыала тэрилиннэ.

Ол курдук ИДьМ Дьокуускайдааҕы 4-c №-дээх полиция салаатын холуобунай ирдэбил үлэһиттэрэ  40  саастаах эр киһини туттулар. Кини билэр киһитин доруобуйатыгар эмсэҕэлээһини оҥорбут.

Бу икки эр киһи иккиэн социальнай тэрилтэҕэ олороллор эбит. Бэйэлэрин икки ардыгар кыыһырсан турбуттар, кыыһырсыы төрүөтүнэн харчы иэстээһинэ буолбут. Кыыһырсыы кэмигэр уорбаланааччы эмсэҕэлээбит киһини олоппоһунан охсубут. Ол түмүгэр эмсэҕэлээччи эчэйиилэри ылбыт. Арассыыйа Федерациятын холуобунай кодексатын 115 ыст. 2 ч. «Киһи доруобуйатыгар эмсэҕэлээһини оҥоруу иһин»  холуобунай дьыала тэриллибитин туһунан ИДьМ пресс-сулууспата иһитиннэрдэ.