Юлия уонна Руслан Липадаттар көһүннүлэр

Юлия уонна Руслан Липадаттар дьиэ кэргэттэрэ көһүннүлэр. Бу туһунан Көмө национальнай киинэ иһитиннэрэр. Ымпыга-чымпыга билиҥҥитэ чопчу биллэ илик.

ИДьМ пресс-сулууспата чуолкайдыырынан, кэргэнниилэр өссө Дьокуускайга баалларын быһаардылар. Мобильнай төлөпүөннэрэ үлэлээбэт буолан сибээскэ тахсыбатахтарын туһунан биллэрдилэр. Полицияҕа  аймахтара көрдүүр дьаһаллары тохтоторго сайабылыанньа суруйдулар.

Санаттахха, Дьокуускай полицията Юлия уонна Руслан Липадаттары көрдөөбүтэ. Кинилэр бу сыл ахсынньы 5 күнүттэн ыла аймахтарын кытта сибээстэспэтэхтэр. Бу туһунан СӨ ИДьМ пресс-сулууспата иһитиннэрбитэ.

Иһитиннэриигэ суруллубутунан, кэргэнниилэр Нерюнгриттан киин куоракка сэтинньи 18 күнүгэр кэлбиттэр. Дьокуускайга кэлбит сыалларынан Юлия өрөспүүбүлүкэтээҕи онкодиспансерга эмтэниитэ буолар. Диспансерга иһитиннэрбиттэринэн, Юлия мантан ахсынньы 3 күнүгэр тахсыбыт, атын күҥҥэ кэлэн эбии көрдөрүнүөхтээҕэ үһү.

Нерюнгриттан кэлбит ыалы аймахтара сүтэрбиттэрэ нэдиэлэ буолла