“Ойуурдаах куобах охтубат, дьонноох киһи тутайбат” диэн сахаларга бэргэн да этии баар. Ол курдук, кыыһым үлэлиир Сунтаардааҕы технологическай кэллиэс (дириэктэр Михайлов Гаврил Николаевич) үлэһиттэрэ соһуччу улахан үөрүүнү бэлэхтээтилэр.
Киһиэхэ кыра да наад: истиҥ көрүү, сылаас сыһыан.Саас сааһынан кэпсиир буоллахха маннык.
Күнүскү чэй буолаары сырыттаҕына биир эдэр уол дырас гына түстэ: “Дорооболоруҥ, биһиги эһиэхэ муус аҕаллыбыт”, — диэт ып- ырааһынан сандаарыччы көрөн кэбистэ. “Хантан?” — диэн хардары ыйытааччы буоллум, ыалларым муус сакаастаабыттарын аадырыһын бутуйдахтара дии санаатым.
“Колледжтан” диэбитигэр ,хаһан эрэ кыыһым, эр дьоннорбут муус ылан биэрэллэр үһү диэн үөрэн кэпсээн ааспытын санаатым. Тахсан көрбүтүм биир тобус-толору массыына ып- ыраас мууһу аҕалбыттар. Ону сыа-сым курдук тутан, түргэн үлүгэрдик муус уурар маспар сааһылаан кэбистилэр. Рафинад саахар курдук, кыыс-дьахтар көтөҕөрүгэр ананан эрбэммит муустар дьаарыстанан тураллара үчүгэйиин! Бу маннык үтүө сүрэхтээх, кыраҕа, кыаммакка көмөлөһөр дьонум ааттара – производственнай үөрэтии маастара Иванов Айаал Васильевич уонна кини куратордыыр МДСМ бөлөҕүн устудьуона Виктор Федотов эбиттэр.
Кэллиэс идэлээх сойууһун тэрилтэтин Тотонов Константин Тойбохоевич салайан, тахсыылаахтык үлэлээн эрэллэр. Аҕыйах хонуктааҕыта уол оҕону муҥхаҕа үөрэтии чэрчитинэн профсоюзнай кэмитиэт чилиэнэ Айаал Васильевич көҕүлээн, элбэх буоланнар, уолаттары онно илдьэ баран эмиэ биир умнуллубат, элбэххэ үөрэтэр бэлиэ күнү бэлэхтээбиттэрэ. Быйыл кыһын хас чэй истэҕим аайы бу үөрүүнэн, үтүөнэн аҕалыллыбыт муус уута алгыстаах утах буолан киирэн доруобуйабытын тупсарыа, дьон үтүө санаатын үтүө кэрэһитэ буолан куруук үөрдүө.
Куһаҕан да үчүгэйдээх диэбит курдук , быйылгы улахан дьалхаан буолан, Сунтаардааҕы эр дьон сүбэтэ, тэрилтэлэр, биирдиилээн эр дьоннор үтүө дьыаланы оҥоруулара, сомоҕолоһуулара, уустук кэмҥэ эр киһи барахсан чиҥээн, кытаатан тулхадыйбат тусаһабыт, халыҥ хаххабыт буолалларын өссө төгүл көрдөрдүлэр.
Махтал, Айаал Васильевич уонна кини бииргэ үлэлиир уолаттара!
Зинаида ФЕДОТОВА-ДЬОЛ КЫЫМА
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …