Сокуону кэһэн туран арыгы атыылааччылар тутулуннулар

Дьокуускай куорат полициятын үлэһиттэрэ «Быт» суһал-сэрэтэр тэрээһин кэмигэр сокуону кэһэн арыгы атыылааһын биэс түбэлтэтин быһаардылар.   107 л. итирдэр утах былдьанна диэн ИДьМ пресс-сулууспата иһитиннэрдэ.

Озёрнай, Семён Данилов уонна Беринг уулуссаларга баар ас-үөл маҕаһыыннара сокуону кэһэн туран,  20:00 ч. кэнниттэн арыгы атыылыыллара билиннэ.

Маны таһынан, Покровскайдыыр суолга уонна  Лонгинов уулуссаҕа баар маҕаһыыннар лиссиэнсийэтэ суох арыгы бородууксуйатын атыылаан тутулуннулар.

Туһааннаах түбэлтэлэринэн административнай боротокуоллар толорулуннулар.

Полиция туһааннаах рейдэлэри салгыы ыытар.