Сокуонунан саахсаламматах түгэннэригэр өйөбүл миэрэ көрүллэр дуо?

Хомуурга ыҥырыллыбыт киһи ойоҕун кытта сокуонунан саахсаламматах түгэнигэр, кини дьиэ кэргэнигэр өйөбүл миэрэлэр көрүллэллэр дуо, диэн үгүс ыйытыы киирэр. Тустаах ыйытыыга СӨ Үлэҕэ уонна социальнай сайдыыга миниистирэ Елена Волкова хоруйдуур.

— Бу туһунан балачча элбэх киһи ыйытар. Кырдьык, уһуннук бииргэ олорбуттар, элбэх оҕолоохтор, биир аадырыска олороллор эрээри, туох эрэ төрүөтүнэн саахсаламматахтар. Бу түгэҥҥэ төлөбүр көрүллэр гынан баран, бииргэ олорбуттарын туоһулуур ирдэнэр, — диэн быһа сибээс кэмигэр миниистир быһаарда.

Хаартыска: СИАтан.