Солоҕоҥҥо ситимнээх үлэни тэрийэр эйгэ тэрилиннэ

Солоҕоҥҥо ситимнээх үлэни тэрийэр эйгэ тэрилиннэ

Ааптар:
24.11.2022, 18:20
Бөлөххө киир:

Т.П.Саввинова аатынан Горнай улууһун Өрт модельнай бибилэтиэкэтин баазатыгар кэлэктиибинэн үлэҕэ аналлаах «Ситим» сайдыы киинэ аанын тэлэччи аста.

Нэһилиэк инники сайдыытын торумнуур уонна олоххо саҥа, сонун сүүрээннэри киллэрэргэ биир санаалаах дьон ситимнээх үлэтин тэрийэр, түмэр эйгэ тэрилиннэ.

Өрөспүүбүлүкэҕэ бу кэскиллээх үлэни Национальнай бибилэтиэкэ, «Индустрия будущего» АНО сүрүннүүр. Улууска маннык эйгэ П.Д.Аввакумов аатынан киин бибилэтиэкэҕэ баар уонна бу иккис аһыллынна. Уопсайа өрөспүүбүлүкэҕэ бэһис киин буолла.

«Ситим» Солоҕон сайдар эйгэтин уопуттаах бибилэтиэкэр, бырайыактыыр үлэҕэ анал үөрэҕи ааспыт Анна Дормидонтова салайан үлэлэтэр. Олохтоох бибилэтиэкэ өрөспүүбүлүкэ 15 бастыҥ тыа сирин култууратын тэрилтэлэригэр 100 000 солк субсидията, улуус дьаһалтата 175 000 солк. туһаныллан миэбэл, тэрил ылыллыбыт.

СӨ Национальнай бибилэтиэкэтиттэн нэһилиэк биир бастыҥ ыччата, методист Анна Туварова быһа холбонон эҕэрдэлээтэ. Салгыы эҕэрдэ тылы Солоҕон нэһилиэгин баһылыга Александра Александрова, С.И.Тарасов аатынан Өрт орто оскуолатын дириэктэрэ Прокопий Тимофеев, «Индустрия будущего» АНО дириэктэрэ Иван Степанов эттилэр.

«Бүгүн биһиги сэлиэнньэбитигэр бэлиэ, долгутуулаах күн – «Ситим» сайдыы саҥа миэстэтин арыйыы уонна Саха Өрөспүүбүлүкэтигэр бэһис нүөмэрдээх буолла. Бу киэҥ далааһыннаах бырайыак көмөтүнэн төрөөбүт сэлиэнньэни сайыннарыыга элбэх идеялары, бырайыактары олоххо киллэриэхпит«, — диэн баһылык Александра Александрова бэлиэтээтэ. Үөрүүлээх тэрээһин кэнниттэн тыа сирин олохтоохторун бастакы бииргэ үлэлээһиннэрэ – «Тыа сирин саҥа тыынын» стратегическай сессията ыытылынна.

Айталина Санникова,

Горнай, Бэрдьигэстээх.

Лента
Салгыы
7 декабря
  • -40°C
  • Ощущается: -40°Влажность: 65% Скорость ветра: 1 м/с