Солоҕоҥҥо уу таһыма кутталлаах кирбиини куоһарда

Бу чааска Горнай улууһун Солоҕон нэһилиэгэр «Хаар балаҕан» үрэх таһыма 3 м.50  см тиийдэ. Ол эбэтэр кутталлаах кирбиини 77 см куоһарда.

Олохтоох дьаһалта исписэлиистэрэ дьуһуурустуба олохтоон, уу таһымын кэтээн көрө сылдьаллар.

 48 киһини, ол иһигэр  23 оҕону куттала суох сиргэ көһөрдүлэр. 16 ынах сүөһүнү, ол иһигэр  6 ынаҕы уу тахсыан сөптөөх сириттэн тэйиччи аҕаллылар.

Түөрт социальнай эбийиэги уу ылар куттала баар. Спортсаалаҕа уу муоста аннынан 10 см үрдээтэ, хочуолунай, таас чох саппааһа ууга барыах курдук буолла.

«Ромашка» уһуйаан тиэргэнин уу ылла. Чараҥ уулуссаттан арыы сыаҕар барар суол быһылынна.

Бу туһунан улуустааҕы дьаһалта бэйэтин телеграм-ханаалыгар иһитиннэрдэ.