2016 сыллаахтан тэриллэн үлэлиир Ил Дархан иһинэн Саха Өрөспүүбүлүкэтигэр хоруупсуйаны уонна онтон атын да быраабы кэһиилэри сэрэтэр үлэҕэ управлениетын салайааччытын эбээһинэһин толорооччу Афанасий Семенович Слепцов управление үлэтин сүрүн сыалынан судаарыстыбаннай былаас бары уорганнарын дуоһунастаах үлэһиттэрин ортолоругар хоруупсуйа суох буолуутун хонтуруоллуур, сэрэтэр, сокуоннай бобуулары тутуһуннарар үлэни ыытарын бэлиэтиир.
Кини управление үлэтин ис хоһоонун уонна кэлэктиип анал байыаннай эпэрээссийэҕэ сылдьар буойуннарбытыгар көмөнү оҥорууга кыттыытын туһунан билиһиннэрдэ.
— Ил Дархан 2021 сыллааҕы дьаһалынан управление өрөспүүбүлүкэ судаарыстыбаннай дуоһунастаах дьонун ортолоругар бу хайысхаҕа сырдатар, билиһиннэрэр үлэни киэҥник ыытар. Маны сэргэ тэрилтэ судаарыстыбаннай уорганнар дуоһунастаах үлэһиттэрин дохуоттарын, ороскуоттарын, баайдарын-дуолларын тустарынан дааннайдары хомуйар, ырытар уонна бэрэбиэркэлиир боломуочуйалаах. Управлениеҕа итинник декларация сибидиэнньэтин биэрээччи дуоһунастаах дьон ахсаана — 5 тыһыынча. Ил Дархан уонна Бырабыыталыстыба аныыр дуоһунастарыгар хандьыдааттар тустарынан дааннайдар эмиэ манна ырытыллаллар, үөрэтиллэллэр.
Дойдубутугар ис уонна тас өттүттэн араас кутталлаах, уодаһыннаах суоһааһыннар өтөн киирэ турар кэмнэригэр уопсастыба хоруупсуйаны утары биир сомоҕо түмсүүтэ эрэйиллэр. Арассыыйа Бэрэсидьиэнэ В.В.Путин бу хайысхаҕа утумнаахтык ылынар быһаарыылара тастан араас саансыйалар ыгыыларын усулуобуйатыгар олорор дойду экэниэмикэтигэр харыстабыллаахтык сыһыаннаһыыга, маны бөҕөргөтүүгэ туһуланаллар.
Биһиги кэлэктииппит бу ыытылла турар анал байыаннай эпэрээссийэни сөптөөх быһаарыныы быһыытынан сыаналаан, толору өйүүрүн биллэрэр. Үлэһиттэр быстах ыҥырыыга барбыт дьоммутугар көмөнү хомуйууга кытта сылдьаллар. АХШ уонна НАТО дойдулара Украина неонацистарын хара дьайдаах быһыыларын утары биһиги Арассыыйабыт норуота биир сомоҕо буола түмсүүтэ анал байыаннай эпэрээссийэ сүрүн сыалын ситиһэригэр, аан дойдуну нацизм чумаатыттан өссө төхтүрүйэн быыһыаҕар биһиги саарбахтаабаппыт.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…