Күн-дьыл туруга: этиҥнээх ардах, силлиэ тыал, +32°С

Бүгүн, бэс ыйын 22 күнүгэр, Саха сирин арҕаа, соҕуруу, хотугулуу-илин эҥэрдэригэр кыралаан, сорох сиринэн сөбүгэр күүстээх самыыр, сорох оройуоннарынан этиҥнээх ардах түһэрэ күүтүллэр. Бу туһунан УГМС саайта иһитиннэрэр.

Саха сирин синоптиктарын сабаҕалааһынынан, тыал сөбүгэр буолар, оттон Анаабыр улууһун кытылынан уонна этиҥнээх ардах кэмигэр тыал сөкүүндэҕэ 15-20 м. диэри түргэннээх күүһүрүө.

Салгын температурата түүн +7…+12°, соҕуруулуу-арҕаа +13…+18°, хоту +3…+8° кыраадыс сылаас. Күнүс +19…+24°, соҕуруулуу-арҕаа +27…+32°, хоту +13…+18° кыраадыс  буолуо.

Дьокуускайга салгын температурата түүн +5…+7°, күнүс +22…+24° кыраадыс. Сөҥүүтэ суох. Тыал хотугулуу-арҕааттан сөкүүндэҕэ 3-8 м. түргэннээх.