Хаартыска: sakha.gov.ru
Бүгүн, от ыйын 15 күнүгэр, Дьокуускайга от ыйын 12 күнүттэн саҕаламмыт «Стежок за стежком, метр за метром» байыаннай дьайыы кыттыылаахтарыгар таҥаһы тигиигэ V өрөспүүбүлүкэтээҕи куонкурус түмүктэниэҕэ.
Куонкуруһу көҕүлээччинэн Ирина Саввина салалталаах «Илии сылааһа» өрөспүүбүлүкэ дьахталларын-ийэлэрин үтүө көҥүллэринэн тигэр сыахтара буолар. Күрэхтэһиигэ уоннуу киһилээх 11 хамаанда Ньурба, Дьааҥы, Кэбээйи, Чурапчы, Орто Халыма, Таатта, Мэҥэ Хаҥалас, Хаҥалас улуустарыттан, Хатас сэлиэнньэтиттэн кэлэн кыттыыны ыла сылдьаллар.
Ирина Саввина этэринэн, тэрээһиҥҥэ байыаннай таҥаһы тигиигэ улахан уопуттаах иистэнньэҥнэр кытталлар. Быйылгы куонкурус усулуобуйатынан хамаандалар 8 кэмпилиэк таҥаһы тигиэхтэрэ. Быйыл саҥа киллэриинэн – бааһырбыт байыаска аналлаах таҥаһы тигии буолар. Маннык таҥастаах байыаһы бэрэбээскилиир да, бааһын сууйар-сотор да чэпчэки.
Күрэхтэһии түмүгэ от ыйын 15 күнүгэр 18:00 чааска Кыайыы 50 сыла спортивнай дыбарыаһыгар биллиэҕэ.
«Күрэхтэһии кыайыылаахтарыгар профессиональнай тигэр массыыналары туттарыахтара. Кыттааччыларбыт бэйэлэрэ утарсааччыларын сыаналаан, баал туруоруохтара», — диэн «Илии сылааһа» өрөспүүбүлүкэ дьахталларын-ийэлэрин үтүө көҥүллэринэн тигэр сыахтарын салайааччыта Ирина Саввина кэпсиир. Бу туһунан Ил Дархан, бырабыыталыстыба пресс-сулууспата иһитиннэрэр.
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…
Ахсынньы 9 күнүгэр Арассыыйа империятын, Сэбиэскэй Сойуус уонна аныгы Арассыыйа – араас кэмнэр дьоруойдарын бэлиэ…
Бүгүн суруналыыс, суруйааччы Ангелина Васильева "Саха"НКИХ "Айар дьон" биэриитигэр кыттыыны ылла. Биэриини эрэдээктэр Татьяна Степанова…
«Национальные приоритеты» АНО уонна Арассыыйа экэнэмиичэскэй сайдыытын министиэристибэтэ дойду үрдүнэн кыһыҥҥы айаны көҕүлүүр сыалтан «Сколько…
Мэҥэ Хаҥалас уонна Амма улуустарын мадьынылара араас лиигэлэргэ мас-рестлиҥҥэ Федерация Куубагын хаһаайыттарынан буоллулар. Кинилэр былырыыҥҥы…