Судаарыстыбаннай сэбиэт уочараттаах мунньаҕа чох салаатын өйөөһүҥҥэ ананна

РФ Судаарыстыбаннай сэбиэтин хамыыһыйатын «Энергетика» хайысхаҕа уочараттаах мунньаҕа чох салаатыгар билиҥҥи  балаһыанньа уонна ону туруктааах оҥоруу боппуруостарыгар ананна.

Ил Дархан Айсен Николаев салалтатынан ыытыллыбыт мунньах кыттыылаахтара, ол иһигэр чоҕу хостуур эрэгийиэннэр баһылыктара уонна былаас федеральнай уорганнарын бэрэстэбиитэллэрэ 2050 сылга диэри Арассыыйа Энергетикаҕа стратегията быһаарбыт соруктарын толорууга дьоһун суолталаах хардыылары бигэргэттилэр.
Хамыыһыйа салайааччыта Айсен Николаев бэйэтин этиитигэр бэлиэтээбитинэн, салаа билигин  уустук кэми аһарар.
Саха Өрөспүүбүлүкэтин балаһыанньата туспа бэлиэтэннэ. Саха сирэ 2024 сыл түмүгүнэн чоҕу хостооһуҥҥа Уһук Илиҥҥи федеральнай уокурукка бастакы миэстэҕэ, Арассыыйаҕа иккис миэстэҕэ сылдьар. 2025 сылга эрэгийиэн 52 мөлүйүөн туонна чоҕу хостуур былааннааах. Ол гынан баран, бу чоҕу хостуур хампаанньалар үпкэ кыһалҕаларын толуйбат.
Мунньах кыттыылаахтара РФ бырабыыталыстыбата өйөбүл кэккэ дьаһалларын ылбытын бэлиэтээтилэр. Ол иһигэр, туһалаах баайы хостооһуҥҥа нолуок уонна страховка төлөбүрдэрин 2025 сыл сэтинньи 30 күнүгэр диэри уһатыы уонна сүрүн тэрилтэлэргэ аадырыстаммыт үбүнэн көмөнү оҥоруу. Бу барыта чоҕу хостуур эрэгийиэннэргэ балаһыанньа туруктанарыгар, салааҕа үлэлиир дьону өйүүр миэрэлэри ыларга тириэртэ.
Ураты болҕомто логистикаҕа уонна тарыып бэлиитикэтигэр уурулунна.
Дьүүллэһии кэмигэр 2050 сылга чох аан дойдутааҕы ырыынагар бэйэ өлүүтүн улаатыннарыы стратегическай соруктарыгар Арассыыйа бэриниилээҕэ бигэргэтилиннэ. Онуоха сүрүн усулуобуйанан тыраааныспар инфраструктуратын урутаан сайдыыта буолар.
Мунньах кыттыылаахтара федеральнай киин, эрэгийиэннэр уонна биисинэс икки ардыларыгар сүрүннээһин баар усулуобуйатыгар эрэ чох салаата билиҥҥи кыһалҕалары туоруур уонна стратегическай соруктарын олоххо киллэрэр кыахтаах диэн санааҕа кэллилэр.

СӨ Ил Дарханын уонн бырабыыталыстыбатын пресс-сулууспата