Сугулаан бастакы күнэ түмүктэннэ (ВИДЕО)

Сугулаан бастакы күнэ түмүктэннэ (ВИДЕО)

18.02.2023, 09:25
Ааптар хаартыскаҕа түһэриитэ
Бөлөххө киир:

     Төрөөбүт тыл уонна сурук-бичик дэкээдэтин иитинэн, Саха тылын, литэрэтиирэтин уонна култууратын учууталларын II сийиэһин быһаарыытын олоххо киллэрэр соруктаах, бэҕэһээ өрөспүүбүлүкэтээҕи төрөппүт сугулаанын бастакы күнэ түмүктэннэ.

Киэҥ далааһыннаах бастакы улахан тэрээһиҥҥэ дэлэгээссийэлэр ыраахтан-чугастан тиийэ кэлбиттэр.  Сүрүн мунньахха 10 улуустан уонна Дьокуускай куораттан 109 киһи кыттыбыт. Күн иккис аҥаарыгар 12 улуустан 140 киһи мустубут.

“Ийэ тыл кэскилэ” өрөспүүбүлүкэтээҕи түмсүү салайааччыта Вилюяна Никитина: “Ааспыт сыл сэтинньитигэр буолбут саха тылын, литэрэтиирэтин уонна төрүт култууратын учууталларын иккис сийиэһин түмүк докумуонугар, биир ураты түгэнинэн оҕо сахалыы саҥатын сайыннарар, сахалыы иитэр үлэҕэ төрөппүттэр түмсүүлэрин, төрөппүттэр кэмитиэттэрин хайыһыннарыы киирбитэ. Бу үлэҕэ СӨ Үөрэҕин уонна билимин министиэристибэтэ, улуустар, куораттар бары дьаһалталара, үөрэх салалталара, уһуйааннар, оскуолалар, дьон-норуот ылсыахтаах.

Бары улуустарга, ыраах бүөмнээн да сытар нэһилиэктэргэ кыра оҕо сахалыы саҥарар таһыма мөлтөөбүтүн дьон-сэргэ бэйэтэ эрэ буолбакка, билим чинчийиилэрэ эмиэ туоһулууллар. Сир үрдүгэр баар араас элбэх тыл суох буолбута. Ол тыллар бары сүтэр суолга туруулара, кыра оҕолор төрөөбүт тылларынан саҥарбат буолууларыттан саҕаламмыта. Онон Саха Өрөспүүбүлүкэтэ баар буоларын төрүөтэ, саха тылын дьылҕата долгутара оруннаах. Бу быыһык кэмҥэ бары биир санаанан, бары биир сүбэнэн, киэҥ хорутуулаах үлэни билигин эрэ ылыстахпытына омукпут дьылҕатын тыынын быыһыыр кыахтаахпытын бары өйдүүбүт.

Үлэни хайдах ыытабыт? Ким хайдах саныырынан, ким хайдах кыайарынан. Дьэ ол ньымалары ырытыһаары, уопут атастаһаары төрөппүт сугулааныгар муһуннубут”, — диэн сүрүн мунньах кэмигэр эттэ.

Сугулаан мантан инньэ улуустарынан көһө сылдьан сыл аайы ыытыллыахтааҕын иһитиннэрдэ. Эһиилги сугулааны Мэҥэ Хаҥалас улууһа ылынарга бэлэмин биллэрбит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 31°C
  • Ощущается: 30°Влажность: 35% Скорость ветра: 4 м/с

Сообщить об опечатке

Текст, который будет отправлен нашим редакторам: