Сыл бүтүүтэ, баҕарбатахпыт да иһин, кэлэр сылы эрдэттэн билиэх санаа баһаам буолар. 2023 сыл ыйдар бэлиэлэринэн тугу тосхойорун билсиэҕиҥ.
2023 сылга хой эр дьон эмоцияҕытын кыана туттунуҥ, эниэргийэҕитин успуорка, илиинэн үлэҕэ, хоббига ыытыҥ диэн сүбэлииллэр. Өскөтүн сыал туруоруннаххытына, түмүгэр тиийэ тиэрдиҥ. Үүнэр сылга чопчу соругу туруоран, бэйэҕит баҕаҕытын олоххо киллэрэргэ кыһаллыҥ. Ким эрэ туһугар сүүрэргитин иккис былааҥҥа хаалларыҥ. Ыал буоларга тоҕоостоох кэм. Хой дьахталлар быһаарыныыны ылыныаххыт иннинэ ыйааһын бэскитигэр ууран үчүгэйдик толкуйдааҥ. Куруолук сыла эһиэхэ тосту уларыйыыны бэлэхтиэҕэ. Тулалыыр дьоҥҥут сүбэтинээҕэр ис санааҕытыгар итэҕэйиҥ. Бу сылга болҕомтону дьиэ кэргэҥҥитигэр ууруҥ.
Хой бэлиэлээхтэргэ сыл иккис аҥаарыгар дьарҕалара көбүөн сөп, онон эрдэттэн көрүнэр ордук. Харчыны туттууга эппиэтинэстээхтик сыһыаннаһыҥ.
Эр дьон сыл саҕаланаатын кытта биисинэһи, үлэни кытта сибээстээх уустуктары көрсүөхтэрин сөп. Сыл иккис аҥаара былааны олоххо киллэрэргэ табыгастаах кэм. Дьахталлар үлэҕитигэр үрдүүр кыаҕы мүччү тутумаҥ. Сыл бүтүүтэ тапталлааххытын көрсүөххүтүн сөп.
Сыл устата доруобуйаҕытын көрүнэ сылдьыҥ. Сулустар 2023 сылга эти-хааны эрчийиинэн, йоганан, медитациянан дьарыктанар, аскытын көрүнэр тоҕоостоох диэн сүбэлииллэр. Сыл иккис аҥаарыгар үп-харчы боппуруоһа табыллыа. Кэлэр сылга болҕомтону дьону кытта сыһыаҥҥа, бэйэ сайдыытыгар, үлэҕэ ууруҥ.
Эр дьон соруккутун дьаныардаахтык ситиһиэххит. Икки куобаҕы эккирэппэккэ, чопчу биир соругу туруорунуҥ. Сыл иккис аҥаарыгар ситиһии тосхойуон сөп, куоттарымаҥ. Дьахталлар олоххутун уларытартан куттанымаҥ. 2023 сыл бэйэни билии, талаан арыллыытын сыла. Олоххо тахсар түгэннэр олоҕо суох буолбаттарын өйдөөҥ, сөптөөх суолу талыҥ.
Олунньуга уонна ыам ыйын саҥатыгар доруобуйаҕытыгар болҕомтолоохтук сыһыаннаһыҥ, сынньаныҥ, оччоҕо сылгыт этэҥҥэ ааһыа.
Үп-харчы өттүгэр игирэлэргэ табыгастаах сыл. Саҥа эбии дохуот киирэ туруо.
Үүнэр сыл эр дьоҥҥо хамсаныылаах сыл буолуо. Салалтаҕыт талааҥҥытын бэлиэтии көрөн дуоһунаскытын үрдэтиэн сөп. Сулустар саһан бүтүҥ, сүрэххит аҥаарын кытта бииргэ хардыылааҥ диэн сүбэлииллэр. Дьахталлар төттөрүтүн үгүс эппиэтинэһи ылынымаҥ, бэйэҕитигэр болҕомтону ууруҥ. Үлэни уонна сынньалаҥы тэҥҥэ дьүөрэлээҥ.
Араак бэлиэлээхтэргэ 2023 сыл эт-хаан уонна духуобунай өттүнэн уларыйыы сыла тосхойор. Олус илистимэҥ. Сайын эбэтэр күһүн санаторийга сынньанар, көрдөрүнэр ордук.
Үп-харчы өттүгэр балачча туруктаах сыл. Ол эрээри, халлаантан түһэрин кэтэһимэҥ. Креативнай, айар, сытыы-хотуу араактарга уһуннук күүттэрбит дьол тосхойуо.
2023 сыл – эһиги сылгыт. Эр дьон дьыалабыай уонна биисинэс эйгэтигэр кыттыһан үлэлииргитигэр тоҕоостоох кэм. Ол эрээри, маҥнай дьоҥҥутун үчүгэйдик үөрэтэн көрүҥ. Сокуону кытта билсиҥ, ситиһии төрдө манна сытар. Дьахталлар бэрт былдьаһааччыларга болҕомтону уурумаҥ. Кургутун ыга тардыныаххыт, туох даҕаны табыллыбат курдук саныаххыт эрээри, бу барыта эһиги олоххутугар тосту уларытыыны киллэриэ, ситиһиини аҕалыа.
Хахай бэлиэлээхтэр болҕомтону сүһүөххүтүгэр, уҥуоххутугар ууруҥ. Эһиэхэ саамай табыгастаах – йога. Массаж булгуччу ирдэнэр. Хахайдар кэлэр сылга иэс, кирэдьиит ыла сатаамаҥ. Кирэдьииттээх буоллаххытына, сабар ордук. Тус уонна дьиэ кэргэн дохуотун, ороскуотун ааҕыныҥ, суоттаныҥ. Инвестиция хайысхатынан үөрэх, куурус ааһар туһалаах буолуо.
Эр дьону элбэх үлэ күүтэр. Дьыалабыай хаачыстыбаҕа, үлэҕэ болҕомто уурар сыл. Үөрэх даҕаны мэһэйдиэ суоҕа. Оҕолонуон баҕарар дьахталларга саамай табыгастаах сыл. Бэс ыйыттан хайа диэки хайыһаргыт, сайдаргыт чопчуланыаҕа.
Көннөрү тымныйыыга да болҕомто уурар, бырааска көрдөрүнэр ордук. Кыыс бэлиэлээхтэр үлэҕэ умса түһүөххүт, сынньанар табыллыбат буоллаҕына, саатар эрэсиимҥитин көрүнүҥ диэн сүбэлииллэр. Сөпкө аһааҥ, успуордунан дьарыктаныҥ. Сыл бастакы аҥаарыгар чугастык билбэт дьоҥҥутуттан харчы иэс ылымаҥ, бырыһыана олус эбиллиэн сөп. Эһигиттэн иэс көрдүүр түгэннэригэр эмиэ үчүгэйдик толкуйданыҥ.
Ыйааһын бэлиэлээх эр дьон олоҕор чугастааҕы сылларга уларыйыы кэлээри турар, онон кэлэр сылга бэйэни сайыннарыыга күүскэ үлэлэлэһиҥ, үөрэниҥ. Үчүгэй да, куһаҕан даҕаны быһаарыыны ылынаргытыгар туттунуҥ, холку буолуҥ. Дьахталларга балачча тыҥааһыннаах, ол эрээри, ситиһиилээх сыл үүнүө. Кэллиэгэлэри, дьиэ кэргэни, тулалыыр эйгэ дьонун кытта сыһыаҥҥытыгар болҕойуҥ. Сыл иккис аҥаарыгар саҥаны ситиһэр кыах баар. Баҕар, омук тылын үөрэтии буолуон сөп.
Доруобуйабыт мөлтөөтө дии санаатыгыт да, бөҕөргөтүнэн биэриҥ. Сарсыардааҥҥы сэрээккэттэн, йогаттан, фитнестэн аккаастанар табыллыбат. Ол эрээри, олус ноҕуруускаланымаҥ. Куруолук сылыттан олоххут тупсан барыаҕа. Харчыгытын саҥа бырайыакка, хамсаабат баайга-дуолга, бэйэ биисинэһин арынарга угуоххутун сөп.
Эр дьон кыһалыннахтарына тугу баҕарар ситиһэр кыахтаахтар. Бу сылга үлэҕитин уларытыаххытын, атын сиргэ көһүөххүтүн сөп. Астрологтар бэйэҕитин кыана туттуҥ диэн сүбэлииллэр. Дьахталлар Куруолук сылыгар интэриэһинэй дьону кытта билсиэхтэрэ. Ыал буолартан туттунуҥ. Төһө да иллэҥ кэм кырыымчык курдугун иһин, хоббига, дьарыкка бириэмэтэ аттарыныҥ.
Скорпионнар айылҕаттан доруобай дьон, ол эрээри, кыратык бөҕөргөтүнэр мэһэйдиэ суоҕа. Үп-харчы боппуруоһугар Куруолук сыла скорпионнары хомотуо суоҕа. Дуоһунас үрдүүр, эбии дохуот киирэр сыла. Соруккутун эрэ сөпкө туруорунаргыт ирдэнэр.
Эр дьон кэргэттэргитигэр болҕомтону ууруҥ. Соҕотох буоллаххытына тас көстүүгүтүн көрүнүҥ. Ханнык баҕарар быһаарыыны ылынаргытыгар кытаанах буолуҥ. Дьахталлар бэйэҕитин көрүнүҥ. Сайынтан саҕалаан аймах дьахталлары, дьүөгэлэри кытта элбэхтик алтыһыҥ.
Оҕо үөскүөн, уойуоххутун, тас дьүһүҥҥүтүн уларытыаххытын сөп, тулалыыр дьон ону бэлиэтии көрүөхтэрэ. Фитнес кууруһугар үөрэнэн атыттарга, чугас дьоҥҥутугар сүбэ-ама биэрэргит туһалаах.
Кимтэн даҕаны тутулуга суох буола сатааҥ, бэйэ дьыалатын тэринэн саҕалыырга тоҕоостоох кэм. Маны олоххо киллэрэргэ эһиэхэ идиэйэ эрэ дэлэй. Ол эрээри, түөкүттэргэ киирэн биэрбэт туһугар куттал суох буолуутун хааччынар, баайы-дуолу страховкалыыр ордук диэн сүбэлииллэр.
Куруолук сыла Чубуку бэлиэлээхтэргэ саҥа кыахтары үөскэтиэҕэ. Ол гынан баран, аҥаардас сулустарга эрэнэн хамсаммакка олорор табыллыбат, киһиттэн бэйэтиттэн улахан тутулуктаах.
Эр дьон тус олоҕор бу сыл уйгуну тосхойуоҕа. Күүстээх аҥаардар тулуурдаах буолаллара ирдэнэр, тоҕо диэтэххэ, сааһыары тургутан көрүү кэлиэҕэ. Суолталаах быһаарыыны ылынар, түргэнник хамсанар, ол эрээри, ымпыгар-чымпыгар тиийэ толкуйдуур эрэйиллэр. Дьахталларга уустуктар үөскүөхтэрин сөп, маны быһаарар туһугар сыыйа иннигит диэки сыҕарыйан иһиҥ. Үлэҕитин уонна дьиэ кэргэҥҥитин тэҥҥэ, сөпкө дьүөрэлээҥ.
Эр киһититтэн, дьахтарыттан тутулуга суох чубуку бэлиэлээхтэр ментальнай доруобуйаҕа болҕомтону ууруҥ. Манна йога, медитация, хобби, успуорт, салгыҥҥа сылдьыы туһалыаҕа. Харчы сүүрүгэ сыл иккис аҥаарыттан аһыллыаҕа. Күһүөрү кыһын куйаар түөкүттэриттэн сэрэнэр ордук, үбү-харчыны сыыһа-халты туттуоххутун эмиэ сөп.
Эр дьон бэйэҕитигэр эрэлгитин ханнык да түгэҥҥэ ыһыктымаҥ, кыахтааххытын, сатабыллааххытын итэҕэтиҥ. Сыл бастакы ыйдарыгар күүскэ үлэлиэххит, бу халтайга хаалбат, дуоһунаскытын үрдэтиэхтэрэ эбэтэр бириэмийэ биэриэхтэрэ. Дьахталлар сүүс бырыһыан уларыйар сыллара. Саҥа арыйыылар күүтэллэр. Баҕар, олоҕуҥ тухары дьарыктанар дьарыккын да булуоҥ. Атын куоракка, дойдуга көһүөххүтүн сөп. Илиигитин ыһыктынан кэбиһимэҥ, көмө наада буоллаҕына, чугас дьоҥҥутугар этиҥ, сүбэлэтиҥ.
Доруобуйаҕа саас, сайын болҕомтону ууруҥ. Ордук куртаххытын көрүнүҥ, сыалааҕы, арыылааҕы сиэмэҥ. Түмүгү ситиһиэххитин баҕараҕыт – иннигит диэки сыҕарыйыҥ, хамсаныҥ, дьулуһуҥ. Үс бастакы ыйга харчыны көрөн туттуҥ. Улахан суумалааҕы сыл иккис аҥаарыгар былааннааҥ.
Эр дьон дьыалаҕытын сарсыҥҥыга уһатымаҥ-кэҥэтимэҥ. Хомойуох иһин, балыктар уустук соругу ылынан баран, тулуурдара тиийбэккэ, тиһэҕэр тиэрдибэт үгэстээххит. Ситиһиилээх буолуоххутун баҕарар түгэҥҥитигэр, бу үгэскитин 2023 сылга умнуҥ. Үлэҕитин, күннээҕи дьыалаҕытын былаанныыргыт ордук.
Дьахталларга холку сыл кэлииһи. Сөбүлүүр дьарыккытыгар бириэмэ ууран, ону дьиэҕитигэр-уоккутугар туһаныҥ. Холобур, өрөмүөн, малы-салы уларытыы, улахан сууйуу-тарааныы… Кыратык бэйэ туһунан толкуйданар эмиэ наада, саҥа дьоннуун билсиҥ.
Балык бэлиэлээхтэр сарсыардаттан сылайбыт курдук буолуоххут, бу ордук эр дьоҥҥо биллиэ. Оннук буолбатын туһугар сөпкө уонна кэмигэр сынньанар ордук. Иммунитеккытын бөҕөргөтөр эмиэ ирдэнэр. Кэлэр сылга балыктар үптэрин-харчыларын үлүннэрэр кыахтаахтар. Сорох балыктар дьиэ кэргэн биисинэһин арыныахтара.
Дьокуускайга Стадухин аатынан уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ.…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…