Хаартыска: Ил Дархан, бырабыыталыстыба дьаһалтатын пресс-сулууспата
«СулуСтар» өрөспүүбүлүкэтээҕи вокальнай күрэс «Муус Устар» ыччат бэстибээлин чэрчитинэн, Ю.Платонов аатынан Эстрада судаарыстыбаннай тыйаатырыгар төрдүс төгүлүн ыытыллыаҕа. Бу күннэргэ кыттааччылары талар түһүмэх түмүктэннэ.
Ол курдук, 15 эдэр ырыаһыт күрэстэһиэхтэрэ, 5 киһи финалга тахсан, күөн көрсүөхтэрэ. Финалистар ааттара олунньу 10 күнүгэр биллиэҕэ.
Гран-при хаһаайына 115 тыһыынча солкуобайдаах, көрөөччү биһирэбилин ылбыт ырыаһыт — 57 500 солкуобайдаах бирииһи тутуохтара. Гран-при хаһаайынын настаабынньыга эмиэ 57 500 солкуобайы ылыаҕа.
— Талар түһүмэҕи улуустар бэйэлэрэ ыыталлар. Бу түһүмэх тохсунньу 8 күнүгэр түмүктэннэ, олунньу 5 күнүгэр 15 кыттааччы бары Дьокуускайга кэлэн, тыйаатырга үөрэниэхтэрэ. Кинилэри вокалга, сыанаҕа туттарга-хаптарга, саҥарарга үөрэтиэхтэрэ. Бэстибээл анал ыалдьыта, Гнесиннэр ааттарынан Арассыыйатааҕы муусука академиятын преподавателэ Дарья Билько финалистарга анаан вокальнай ускуустубаҕа маастар-кылааһы ыытыаҕа, — диэн тыйаатыр уус-уран салайааччыта Мария Герасимова кэпсээтэ.
«СулуСтар-2024» күрэс кыттааччыларынан буоллулар: Линда Захарова (Мэҥэ Хаҥалас), Анна Давыдова (Ньурба), Василий Николаев (Бүлүү), Иван Дьяконов (Горнай), Яна Забелина (Ленскэй), Аман Винокуров (Чурапчы), Татьяна Томская (Булуҥ), Аина Михайлова (Кэбээйи), Виолетта Абдурафикова (Өлүөхүмэ), Егор Агарков (Мииринэй), Сайнаара Жмурова (Нам), Анна Стуканева (Алдан), Николай Нестерев (Амгма), Петр Пестерев (Хаҥалас), Алан Гондолаев (Дьааҥы).
Күрэһи саха тэлэбиидэнньэтигэр уонна «Виктория» араадьыйаҕа көрүөххэ-истиэххэ сөп. Финал олунньу 15 күнүгэр Эстрада тыйаатырыгар ыытыллыаҕа, ону тэҥэ, көрөөччү биһирэбилин быһаарар куоластааһын баар буолуоҕа. Күрэс эдэр талааннары булар, киэҥ эйгэҕэ таһаарар, ыччакка ырыаны тарҕатар соруктаах.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…