Авиалесоохрана Сунтаардааҕы авиа-салаатыгар быйыл парашютнай бөлөх тэриллиэҕэ. Өскөтүн бу иннинэ десантник-баһаарынайдардаах буоллахтарына, быйылгыттан парашютист-баһаарынайдар баар буолуохтара. Ол туһунан өрөспүүбүлүкэ вице-премьерэ Дмитрий Садовников иһитиннэрдэ.
Кинилэр тэйиччи сытар сирдэргэ ойуур баһаардарын умулларыахтара. Статистика көрдөрөрүнэн, Саха сиригэр умайыы киһи тиийбэт ойуурдарыгар уонна хайалаах сирдэргэ тахсааччы.
“Биһиги өрөспүүбүлүкэтээҕи Авиалесоохрана кыаҕын күүһүрдүөхпүт. Быйыл Сунтаардааҕы авиа-салааҕа саҥа бөлөх тэриллиэҕэ. Былырыын күһүн бэлэмнэнии бастакы кууруһун 10 киһи ааспыта. Онон кинилэр баһаартан кутталлаах сезоҥҥа бэлэмнэр”, — диэтэ Садовников.
Сунтаардааҕы салааҕа 21 умулларааччы баар. Былырыыҥҥы сезоҥҥа кинилэр десантник-баһаарынай этилэр, салгын суудунатыттан ойуур баһаара турар сиригэр түһэллэрэ. Былырыын күһүн 10 киһи үөрэнэн, парашюттаах ыстанар буоллулар. 9 үлэһити быстах үлэҕэ ылбыттара. Онон быйыл 30 киһи үлэлиэҕэ.
Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Евгений Перфильев этэринэн, маннык кууруска 20 десантник үөрэммит. Ол курдук, Бүлүүттэн, Сунтаартан, Мииринэйтэн, Амматтан, Бэрдьигэстээхтэн, Покровскайтан, Хаандыгаттан.
Парашют уонна десантнай бөлөх инструктордарын састаабын кууруһугар 25 киһи дьарыктаммыт. Ону тэҥэ федеральнай “Авиалесоохрана” үөрэтэр киинигэр 9 киһини лүөччүк-кэтээн көрөөччү үөрэҕэр ыыппыттар.
Былырыын өрөспүүбүлүкэ баһылыгын Айсен Николаев быһаарыытынан, өрөспүүбүлүкэтээҕи Авиалесоохрана парашютнай-баһаарынай-десантнай бөлөҕүн ахсаана 184 киһинэн элбээбит. 2021 сылга 221 үлэһит буоллаҕына, 2022 сылга – 555.
Кинилэртэн 283 киһи десантник, 122 – парашютсит-десантник, оттон 150 киһини быстах үлэҕэ ылбыттар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Тыа сирин олохтоохторо айылҕа кэрэтин куруук таба көрөн, хаартыскаҕа түһэрэн үйэтитэллэр. Ол курдук, Мэҥэ Хаҥалас…
Бүгүн, балаҕан ыйын 11 күнүгэр, Арассыыйа Бырабыыталыстыбатын бэрэссэдээтэлин солбуйааччы Марат Шакирзянович Хуснуллин салалтатынан ыытыллыбыт суһал…
Быйыл мэдиссиинэ идэлэригэр орто анал үөрэҕи 1806 киһи бүтэрэн, диплом ылла. Ол курдук, кинилэр Дьокуускай,…
Массыына уонна сатыы киһи хаамар сирэ, газоннар, олордуу үүнээйини чөлүгэр түһэрии хаачыстыбата, сир үлэтин тэрийии…
Ааспыт сууккаҕа Дьокуускай икки олохтооҕо түөкүттэр угаайыларыгар киирэн биэрбит. Бу туһунан СӨ ИДьМ пресс-сулууспата иһитиннэрэр.…
Саха сирин баһылыга Айсен Николаев "Комсомольскя правда" суруналыыһа Александр Гамовка интервьюга ВЭФ-2025 кэмигэр Саха сирин…