@suntaar_ulus
Бэҕэһээ Сунтаарга историческай суолталаах бэлиэ күн буолла. Ол курдук, улуус баһылыга Анатолий Григорьев көҕүлээһининэн, идиэйэтинэн устуоруйа кэрчик кэмнэрин кэпсиир мэҥэ таас турда диэн улуус дьаһалтата иһитиннэрдэ.
4 туонна ыйааһыннаах үйэлээх тааһы Бүлүү эбэ туонатыттан аҕалан олохтоохтук уурдулар. Ыраах сиртэн тааһы аҕалыыга улуус дьаһалтатын иһинэн үлэлиир МАУ «АТП» тэрилтэтин салайааччыта Антон Кузьмин уонна Александр Матросов үлэлээтилэр. Тиэйтэрэн аҕалыыга ЖКС тэрилтэтэ техниканан көмөлөстө.
Маннык баараҕай тааһы булуу-талыы манан дьыала буолбатах. Дьэ, хантан булбуттарый? Бу тааһы улуус баһылыгын 1-кы солбуйааччыта Николай Александров оҕо сылдьан таба көрбүт, сүгүрүйэр тааһа буолар. Кини элбэхтик булка, балыкка сылдьан, хараҕын далыгар илдьэ сылдьыбыт харыстыыр тааһа дьон көрүүтүгэр туруохтаах диэн бигэ эрэллээх. Дьиктитэ диэн, тааһы түһэрэллэригэр оруобуна туруохтаах хайысхатынан таба түстэ. Онон мэҥэ таас миэстэтин бигэтик, сөптөөхтүк булла диэн улуус дьаһалтатын пресс-сулууспата иһитиннэрдэ.
Устуоруйа кэрэһитэ — үйэлэргэ кэрэхсэнэ турдун!
2025 сылга болдьоҕо бүтэр суоппар дастабырыанньата үс сылга диэри уһатыллан биэрэр. Бу туһунан Госавтоинспекция пресс-сулууспата…
Хатас олохтооҕо Полина Ефремова быйылгы харыйатын бэйэтэ оҥорбут куукулаларынан симээбит. “Тэлэбииһэринэн “Саха сатаабата суох” биэриигэ,…
Саха сиригэр кэнники сэттэ сылга араас бырагыраама чэрчитинэн 171 саҥа үөрэх эбийиэгэ тутулунна. Бу туһунан…
Прикладнай физика үнүстүүтүн дааннайынан Сиргэ магнитнай буурҕа кыамтатын таһыма «олус күүстээх» категорияҕа диэри таҕыста диэн…
Саха сиригэр быйыл кырдьаҕастарга аналлаах саҥа интэринээт-дьиэ тутуллан үлэҕэ киириэҕэ. Эбийиэк Мэҥэ Хаҥалас Матта сэлиэнньэтигэр…
Былырыын Саха сиригэр «Земскэй быраас» уонна «Земскэй биэлсэр» бырагыраамаларынан 16 исписэлиис үлэҕэ ыытыллыбыт: 90 быраас…