Сунтаар суутугар ыт оҕоҕо саба түһүүтүн дьыалата көрүлүннэ

Сунтаар улууһун борокуратуурата ыт саба түспүт оҕо ийэтин үҥсүүтүнэн бэрэбиэркэ ыытта. Бэрэбиэркэ көрдөрбүтүнэн, кыыс оҕоҕо дьиэтэ суох ыт саба түспүтэ биллибит.

Бу быһылаан Сунтаар бөһүөлэгин территориятыгар буолбут. Онон бу түбэлтэ олохтоох дьаһалта сокуону толорууга сөптөөх миэрэлэри ылбатаҕыттан тахсыбыта дакаастаммыт.

Борокуратуура түһэрбит ирдээһининэн, суут Сунтаар дьаһалтатыттан 30 тыһыынча солкуобайы моральнай эмсэҕэлээһини сабыы быһыытынан тутарга уураах таһаарбыт.