Сунтаар уола Лев Павлов кыһыл көмүс мэтээл иһин киирсиэҕэ

Бүгүн, ыам ыйын 4 күнүгэр, Арассыыйатааҕы көҥүл тустууга чөмпүйэнээт түмүк күнүгэр, көбүөргэ саха спортсмена Уйгулаан Иванов тахсыаҕа. Кини бастакы утарсааччыта тувинец Аяндай Ондар. Оттон 74 кг ыйааһыҥҥа Иннокентий Бабаранов утарсааччыта Чечня бөҕөһө Джохар Джабаевы кытта киирсиэҕэ. Итини сэргэ 57 кг ыйааһыҥҥа финалга кыһыл көмүс мэтээл иһин Лев Павлов Дагестаан бөҕөһө Ахмед Идрисовы кытта киирсиэхтээх.

Олимпийскай ыйааһыннарга Арассыыйатааҕы көҥүл тустууга чөмпүйэнээт финала киэһэ 11:30 чаастан саҕаланыаҕа.

Санаттахха, Арассыыйатааҕы көҥүл тустууга чөмпүйэнээт полуфиналыгар икки киин көбүөргэ бөҕөстөр финалга тахсар туһугар күөн көрсүбүттэрэ. Манна Хасавюртан 25 саастаах, «Иван Ярыгин» норуоттар икки ардыларынааҕы турнир хас да төгүллээх призера, Арассыыйа чөмпүйэнээтин призера Муса Мехтихановы кытта саха спорстмена Лев Павлов киирсэн, бүтэһик сөкүүндэҕэ 2:1 ахсаанынан кыайбыта. Бу иннинэ Лев Павлов Грознайга ыытыллыбыт 21 саастарыгар диэри көҥүл тустууга ыччат күрэхтэһиитигэр кыһыл көмүс мэтээли ылбыта.

Быһа эпиири бу сигэҕэ киирэн көрүҥ https://www.youtube.com/watch?v=6y5qoFk8Ld0