Сунтаардар байыаннай дьайыы зонатыгар көмө илдьиэхтэрэ (видео)

Байыаннай дьайыы зонатыгар Саха сириттэн, чуолаан Сунтаар улууһуттан, бу күннэргэ саха волонтердара үс квадроцикл, икки матасыыкыл, бырааһынньыктааҕы ас-үөл  илдьиэхтэрэ.

Ол курдук,  Сунтаар улууһун баһылыга Анатолий Григорьев волонтердар бөлөхтөрүн кытта Москва куораттан анал байыаннай дьайыы сиригэр айаннаан эрэллэр диэн Сунтаар дьаһалтатын пресс-сулууспата иһитиннэрэр.

-Сулууспалыы сылдьар биир дойдулаахтарбытыгар 3 квадроциклы уонна 2 мотоциклы ылан тиэннибит. Ону тэҥэ, дойдубут аһын-үөлүн, таҥаһын-сабын Маай бырааһынньыктарыгар бэлэх буолуоҕа, — диэн иһитиннэриигэ этиллэр.

Санаттахха, Саха сириттэн күн ахсын ДНӨ уонна ЛНӨ баар тирэх пууннар нөҥүө  байыастарга, анал байыаннай дьайыы зонатын сиригэр эбии малы-салы  ыытыы салҕанар.  Ол курдук,  байыастар сулууспалыыр сирдэригэр  электрогенератордар, «Хоту Тент» хампаанньа бородууксуйалара, оһохтор, автономнай  обогревателлэр, эмп-том уонна  да атын тэриллэр ыытыллаллар.