Бассаапка Сунтаар улууһун баһылыга Уссурийскайга тиийэн, быстах хомуурга ыҥырыллыбыт биир дойдулаахтарын көрсүбүт видеота тарҕанан, үгүс киһи сэҥээрдэ. Ол курдук, бэҕэһээ, алтынньы 13 күнүгэр, Владивосток куоракка Сунтаар улууһун баһылыга Анатолий Григорьев салайааччылаах дэлэгээссийэ тиийдэ.
Бэҕэһээ лаппа хойут, Анатолий Васильевиһы кытары сибээскэ тахса сылдьыппытыгар, маннык кэпсээтэ:
-Биһиги мобилизацияламмыт дьоммут хайдах сылдьалларын миэстэтигэр тиийэн билсэр, көрөр-истэр сыаллаах кэллибит. Итиэннэ уолаттарга кинилэр дьонноро, улуус уонна уопсастыбаннай түмсүүлэр хомуйбут көмөлөрүн аҕалан туттардыбыт. Бу күннэргэ «Арассыыйа ийэлэрэ» түмсүү Сунтаардааҕы салаата, элбэх оҕолоохтор түмсүүлэрэ, уопсастыбаннай палаата аахсыйалары тэрийэн, улуус дьоно баҕа санааларынан түмэн оҥорбут көмөлөрүн, ол иһигэр малы-салы, аһы-үөлү аҕаллыбыт. Владивостокка уонна Уссурийскайга хас да сиргэ сылдьан дьоммутун көрүстүбүт. Бүгүн өссө биир сиргэ көрсөрбүт хаалла. Салгыы Хабаровскайга айанныыбыт.
Уолаттар санаалара бөҕөх. Манна биири этиэм этэ. Ити бассаапка араас сурах тарҕаммыта, ол иһигэр быстах хомуурга ыҥырыллыбыттары таҥаһынан да хааччыйбаттар диэн. Оннук буолбатах. Миэстэтигэр тиийэн бары көрдүбүт-иһиттибит. Таҥастара-саптара, астара-үөллэрэ үчүгэй диэн этиэххэ наада.
Бу иннинэ быстах хомуурга ыҥырыллыбыт дьоммутугар 50-нуу тыһыынча солкуобайы каарталарыгар түһэрбиппит. Кинилэр дьонноругар улуус уонна нэһилиэк өттүттэн туох кыһалҕалаахтарынан көрөн, көмөнү оҥорууга былааннаах үлэ барар.
Түгэнинэн туһанан, биһиги дьоммутугар күүс-көмө буолбут Сахабыт сирин бэрэстэбиитэлигэр Ким Борисовка махталбытын тириэрдэбит.
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…