Хаартыска: видео-скрин
Сунтаарга Светлана уонна Александр Николаевтар дьиэ кэргэттэрэ оҕолору буулдьанан ытыыга үөрэппиттэрэ 10-тан тахса сыл буолбут.
Бу кэмнэр устата ситиһиилэрэ олус элбэх. Билигин дьарыктыы сылдьар оҕолорун ортолоругар биир Арассыыйа успуордун маастара уонна икки маастарга хандьыдааттар бааллар.
Манеж иһигэр, бу кэмҥэ бэрт табыгастаахтык оҥоһуллубут тиргэ 30-тан тахса оҕо дьарыктанар. Бэс ыйыгар Ижевскэй куоракка ыытыллыахтаах «Эдэр ытааччылар» күрэххэ үс оҕо уонна «Азия оҕолоро» норуоттар икки ардыларынааҕы успуорт оонньууларыгар икки оҕо күрэхтэһэргэ бэлэмнэнэллэр.
Уопуттаах тириэньэрдэр этэллэринэн, маннык дьарыкка айар талааннаах (ыллыыр, үҥкүүлүүр, уруһуйдуур) оҕолор ситиһиилээх буолаллар. Манан сиэттэрэн, кыайыыга дьулуурдаах, тулуурдаах, биир сиргэ таба тайаныылаах, кыһамньылаах, уһун тыыннаах оҕолор ытыы маастарыстыбатын толору баһылыахтарын сөп диэн Сунтаар улууһун дьаһалтатын пресс-сулууспата суруйар.
Буулдьанан ытыынан дьарыкка оҕолору 10 саастарыттан ылаллар. Ол эрэн, хайаатар да дьиэ кэргэҥҥэ эһэ, аҕа бастакы олугу уурбуттара буолара ирдэнэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…