Хаартыска: @suntaar_ulus
«Икки күннээх хапсаҕай бырааһынньыга номнуо бүттэ дуо???» — диэн саҥа аллайбыт дьон, бэйэбитигэр дылы, элбэҕэ буолуо. Ол курдук, көрүөх бэтэрээ өттүгэр кыл түгэҥҥэ Сунтаар улууһа оргуйан олордо.
Үтүө түмүктэрдээх күрэс түһүлгэтэ үгүс хабыр хапсыһыылары, умнуллубат түгэннэри, сытыы киирсиилэри, соһуччу бэлэхтэри оҥордо.
Сунтаар улууһун баһылыга, улуус тустууга федерациятын бэрэссэдээтэлэ Анатолий Григорьев 20 сыл буолан баран, олохтоохторго маннык кэрэ бэлиэ күннэри бэлэхтээбититтэн үгүс дьон астынна, махтанна, биһирээтэ. Сааланы толору көрөөччү мустан биир тыынынан күрэһи манаатыбыт.
Анатолий Григорьев: «Саамай сүрүнэ улуус олохтоохторугар, көрөөччүлэргэ махталбын этэбин. Кинилэр хас биирдии спортсмеҥҥа ыалдьан, ыһыытаан-хаһыытаан күрэх таһымын үрдэттилэр. Ону тэҥэ, бачча ыраах айаннаан кэлбит бөҕөстөргө итии-истиҥ эҕэрдэ. Сунтаар сирэ-уота күүскүтүгэр күүһү, эрчимҥитигэр уҕараабат эрчими эбэн биэрдин!, — диэн санаатын үллэһиннэ.
Маннык таһымнаах күрэһи тэрийии, биллэн турар, судургу буолбатах. Үлэлэригэр бэриниилээх, кырдьык ис дууһаларыттан спорду таптааччылар тэрээһин үрдүк таһымҥа ыытылларын туһугар элбэх киһи үлэлээтэ. Кинилэргэ барыларыгар улуус дьаһалтатын аатыттан махтанабыт!
Сунтаар улууһун дьаһалтатын пресс-сулууспата
ИДьМ холуобунай ирдэбилин үлэһиттэрэ Хаҥалас улууһугар харчыны уорууга уорбаланар 52 саастаах эр киһини туттулар. Бу…
Сунтаар улууһа дьоруойдарынан киэн туттар. Дьокуускайга "Арассыыйа – мин устуоруйам" түмэл хамсааһынынан, Дьоруой Дмитрий Егоров…
Билигин Саха сиригэр 23 тыһыынчаттан тахса экологическай массыына регистрацияланна. Эрэгийиэннээҕи бырамыысыланнас министиэристибэтэ сыаналыырынан, тиэхиньикэни гаас…
Ыам ыйын 16 күнүгэр СӨ Дьарыктаах буолуу киинэ анал байыаннай дьайыы кыттыылаахтарыгар уонна кинилэр дьиэ…
ИДьМ 2 №-дээх полициятын отделыгар цифровой уонна бытовой тиэхиньикэни уорбуттарын туһунан иһитиннэрии киирбит. Хоромньу суумата…
Хапытаалынай өрөмүөн иһин сорох дьон усунуостарын «“Энергосбыт” каассатын нөҥүө кыайан төлөөбөппүт» диэн тустаах пуондаҕа эрийэн…