Суол быһылаана хомунаалынай саахалга тириэртэ

Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста диэн Дьокуускай куорат дьаһалтатын пресс-сулууспата иһитиннэрэр.

ЕДДС иһитиннэрбитинэн, бөҕү таһар массыына компенсаторы тоҕу солоон ааспыт. Суол быһылаана тахсыбыт сиригэр уу  тохтбут, ол түмүгэр түөлбэ хочуолунайын давлениета түспүт. Хочуолунай үлэтэ тохтотуллубут. 35 икки мэндиэмэннээх элбэх кыбартыыралаах мас дьиэ итиини хааччыйар систиэмэттэн араарыллыбыт.

Коммунальнай саахал содулларын туоратыы үлэтин «Теплоэнергия» АУо ыытар.