Хаартыска: куйаар аһаҕас ситимиттэн
Балаҕан ыйын 1 күнүттэн итирик туругу туоһулааһын саҥа быраабылалара күүстэригэр киирэллэр. Уларыйыылар бэрэбиэркэ бэрээдэгин уонна докумуон эргиирин таарыйаллар. Бу туһунан РФ Уопсастыбаннай балаататын сокуон барылларын уонна атын нуормалыыр аахталары эспэртииһэлиир хамыыһыйатын чилиэнэ Евгений Машаров иһитиннэрдэ.
«Саҥа быраабылалар быһыытынан, алкотестерынан икки төгүлүн бэрэбиэркэлээһин болдьоҕо 15-20 мүнүүтэттэн 15-25 мүнүүтэҕэ диэри уһуур. Ону таһынан, иик анаалыһын туттарарга кытаанах болдьох киллэриллэр – направлениены биэрбит кэмнэриттэн 30 мүнүүтэ. Өскөтүн суоппар бу бириэмэҕэ анаалыһы туттарбатаҕына, хаан анаалыһын туттарарыгар тиийэр», – диэн Машаров ТАСС-ка кэпсээтэ.
Билигин эми-тому иһиигэ ураты болҕомто ууруллуоҕа – бу иһитиннэрии анаалыс направлениетыгар булгуччу ыйыллар буолуоҕа. Мэдиссиинэ тэрилтэлэрэ биоматериаллары 3 ый устата, оттон чинчийии электроннай дааннайдарын – 5 сыл устата харайыахтаахтар.
Туоһулааһыны ааһартан аккаастаныы иһин суоппардарга кытаанах накаастабыл күүтэр: 45 тыһыынча солкуобай кээмэйдээх ыстараап уонна сыл аҥаарыттан икки сылга диэри болдьоххо суоппардыыр быраап быһыллар. Эспиэртэр бэлиэтииллэринэн, саҥа миэрэ итирик туруктаах тырааныспарынан салайыы түбэлтэтин ахсаанын аҕыйатыахтаах уонна бэрэбиэркэ бэрээдэгин ордук аһаҕас оҥоруохтаах.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…