«Суперниндзя» шоуга саха уола Павел Пестряков кытынна

Бэҕэһээ, сэтинньи 10 күнүгэр, СТС телеханаалга «Суперниндзя» экстремальнай шоуга Саха сириттэн Павел Пестряков кыттыбытын көрдөрдүлэр.

«Мин олус улахан эппиэтинэһи сүгэрбин өйдүүбүн. Биһиги спортсменнарбыт дойдубут күүстээх ниндзяларын кытта биир тэҥҥэ киирсэр кыахтаахтарын көрдөрүөхпүн баҕарабын», — диэтэ кини старт иннинэ.

Кини алта төгүрүмтэттэн иккитин хомуйда. Бириэмэтэ —  1:03.98. Павел бэйэтин бөлөҕөр сүүмэрдиир түһүмэххэ 25 кыттааччыттан 11-с миэстэни ылла. Онон, хомойуох иһин, полуфиналга ааспата. Манна уон бастыҥнар кыттыахтара.

Павел Дьокуускайга ПВХ сыаҕыгар оробуочайдыыр. Бу шоуга Саха сириттэн бастакынан кытынна.

Кини кыттыытын бу сигэнэн киирэн көрүҥ, 49 ч. 32 мүн. саҕаланар.