Хаартыска: үлэ, социальнай сайдыы министиэристибэтэ.
Үлэ, социальнай сайдыы министиэристибэтэ суруналыыстарга иккис төгүлүн өрөспүүбүлүкэтээҕи куонкуруһу ыытта. Куонкурус «Семья защитника: история и современность» диэн аатынан Улуу Кыайыы 80 сылыгар, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар ананна.
Суруналыыстар куонкурустара көлүөнэлэр быстыспат ситимнэрин, Аҕа дойдуну көмүсккээччи дьылҕатыгар дьиэ кэргэнэ улахан оруоллааҕын бэлиэтиир, киэҥ араҥаҕа сырдатар сыаллаах. Ол курдук, суруллубут ыстатыйалар, уочаркалар, репортажтар, биэриилэр сэбиэскэй норуот Аҕа дойду сэриитигэр хорсун быһыытын кэлэр көлүөнэлэр өйдүүллэрин, аныгы кэмҥэ байыаннай сулууспалаахтарга өйөбүл, көмө буолалларын сырдаттылар.
Ахсынньы 15 күнүгэр куонкурус түмүгүн таһаардылар. Кыайыылаахтар билиннилэр. Кинилэри үлэ, социальнай сайдыы миниистирэ Елена Волкова эҕэрдэлээтэ уонна бириистэрин туттарда. Бэчээт, араадьыйа, тэлэбиидэнньэ хайысхаларынан барыта 40-ча матырыйаал киирбит.
«Бастыҥ тэлэбиидэнньэ биэриитэ» — Павел Никифоров, «Саха» НКИХ.
«Бастыҥ сонун сюжета» — Екатерина Аммосова, «Саха» НКИХ.
«Бастыҥ уочарка» — Лира Яковлева, «Забота Арчы» хаһыат.
«Бастыҥ ыстатыйа» — Дарья Тимофеева, «Олёкма» хаһыат.
«Бастыҥ заметка/репортаж» — Сайаана Львова, «Саха сирэ» хаһыат.
«Бастыҥ араадьыйанан биэрии» — Иннокентий Киренскэй, ВГТРК «Саха».
«Бастыҥ сонун»— Кыыдаана Иванова, Светлана Ефремова, ВГТРК «Саха».
«Бастыҥ эдэр кэрэспэдьиэн» — «Объектив» оҕо устуудьуйата (Бүлүүтээҕи С.Аржаков аатынан дьиэ кэргэҥҥэ көмөлөһөр киин, салайааччы Леонид Менкяров).
«Бастыҥ эдэр кээрэспэдьиэн» — Арчылаана Аргунов, «Энсиэли» хаһыат.
Суруналыыстар буола турары, дьону-сэргэни сырдатар суруйуулара билиҥҥи кэми туоһулуур устуоруйа кэрэһитэ буолан, үйэлэргэ хараллан хаалыаҕа. Биир идэлээхпитин Сайаана Львованы эҕэрдэлиибит!
Киэҥ туундаранан, хайалаах сиринэн сылдьар Альберт Александрович толкуйа да киэҥ. Ол курдук, кини Арассыыйа үрдүнэн…
Саҥа үүммүт сыл АХШ бэрэсидьиэнэ Дональд Трамп таһаарбыт араллааннарыттан саҕаланна. Онон дьиҥнээх сирэйэ дьэ көстөн…
Бу күннэргэ өтөрүнэн буолбатах буурҕа, хаар Камчаткаҕа түһэ турар. Ахсынньыга үс ыйдаах хаар нуормата түспүт,…
Ааспыт сыл бүтүүтэ Уус Алдан улууһугар Үлэ Дьоруойа, Үлэ Албан аата уордьан кавалера, «Удьуор» бааһынай…
2026 сыл тохсунньу 6 күнүгэр саха норуодунай суруйааччыта Н.Е.Мординов-Амма Аччыгыйа төрөөбүтэ 120 сылын туолла. Тохсунньу…
Дьокуускайга Ньурба улууһуттан төрүттээх 34 саастаах киһиэхэ холуобунай дьыала тэрилиннэ. Кини бииргэ олорор дьахтарын эчэппит…