Суут бириистэбэ «Көмүс шлем» Куубагар бастакы миэстэҕэ тигистэ

Ахсынньы 21–22 күннэригэр Омскайга Арассыыйа бастыҥ күрэсчиттэрин уонна тас дойдулартан кэлбит күүстээхтэри түмпүт панкратиоҥҥа «Көмүс шлем» Куубагар норуоттар икки ардыларынааҕы турнир буолан ааста.

СӨ Суут бириистэптэрин управлениетын анал этэрээтин суут бириистэбэ, ис сулууспа прапорщига Иван Дьячковскай үрдүк  бэлэмнээҕин көрдөрөн, бэйэтин ыйааһыныгар бастакы миэстэни ылла.

Күрэхтэһии түмүгүнэн кини норуоттар икки ардыларынааҕы кылаастаах успуорт маастарын нуорматын толордо. СӨ Суут бириистэптэрин управлениета Иваны  кыайыытынан эҕэрдэлиир, чэгиэн доруобуйаны, күүһүгэр эрэли уонна успуорка саҥа ситиһиилэри баҕарар, диэн СӨ Суут бириистэптэрин управлениетын пресс-сулууспата иһитиннэрэр.