Салгыы
Светлана Решетникова: Байыаннай дьайыыга сылдьар уолаттарга илиибит сылааһа иҥэн, сылааһынан угуттаатын

Светлана Решетникова: Байыаннай дьайыыга сылдьар уолаттарга илиибит сылааһа иҥэн, сылааһынан угуттаатын

10.07.2024, 19:30
Сайаана Львова хаартыскаҕа түһэриитэ
Бөлөххө киир:

Бүгүн үһүс күнүн улуустартан кэлбит хамаандалар IV өрөспүүбүлүкэтээҕи «Yлэ-иис күрэҕэр» кытта, анал байыаннай дьайыы кыттыылаахтарыгар таҥас-сап тигэ, бэйэлэрин сатабылларын, маастарыстыбаларын көрдөрө сылдьаллар.

Хас биирдии хамаанда күрэххэ кыттар эрэ буолбатах, кинилэр анал байыаннай дьайыыга сылдьар уолаттарбытыгар хас даҕаны араас таҥаһы, хаачыстыбалаахтык тигэр соруктаахтар.

Сайаана Львова хаартыскаҕа түһэриитэ

Дьокуускай куорат чиэһин көмүскүү сылдьар «Сахабулт» хамаандатын хапытаана Светлана Решетникова санаатын үллэстэр.

— Биһиги хамаандабыт уон киһиттэн турар. Үгүспүт «Сахабулт» хампаанньа үлэһиттэрэбит, ол эрээри преподавателлэри ыҥыран кытыннара сылдьабыт. Икки күн анал байыаннай дьайыыга сылдьар уолаттарга анаан таҥас быстыбыт, тиктибит.

Бу иннинэ, уопсайа анал байыаннай дьайыыга 737 киһи «Илии сылааһа» сыах иһиттэн таҥнан барбытын бэлиэтиэхпин баҕарабын. Уолаттар уоппускаҕа кэлэн баран, төннөн иһэн биһиги таҥастарбытын ылан ааһаллар. Биһиги илиибит сылааһа кинилэргэ иҥнин, сылааһынан угуттаатын диэн алгыыбыт. Этэҥҥэ кыайыы көтөллөөх дойдуларыгар эргиллэллэригэр баҕарабыт, биһиги олус күүтэбит, эрэнэбит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: