«Своих не бросаем» бырайыак чэрчитинэн тимир суолунан айан тэрилиннэ

«Своих не бросаем» диэн бырайыак чэрчитинэн «Аҕа дойдуну көмүскээччилэр» пуонда уонна  «РЖД Тур» хампаанньа бииргэ кыттыһан тимир суолунан айаннары бу күннэргэ тэрийдэ. 

Уочараттаах тэрээһин от ыйын 14-21 күннэригэр  буолан ааста. Саха сириттэн байыаннай дьайыыга сылдьан суох буолбут биэс байыас ийэтэ кытынна. Айан Москваттан саҕаланан Петрозаводскай, Сортавал уонна  Выборг хайысханан барда. Бу бырайыак ааспыт сылтан саҕаламмыта.

2025 сыл саҥатыттан «Аҕа дойдуну көмүскээччилэр» Саха сиринээҕи пуондатын көмөтүнэн бойобуой дьайыы бэтэрээннэрэ уонна байыаннай сулууспаҕа сылдьан өлбүт байыастар чугас дьонноро кыттыылаах 200-тэн тахса араас хабааннаах тэрээһини ыыттылар.