СҮБЭҺИТ: Абыраллаах суода…

Суода доруобуйаҕа тугунан көмөлөһөрүй, туохха туттулларый?

Суода — гидрокарбонат натрий. Аһыллыбытын кэннэ хаппахтаах иһиккэ хараҥа сиргэ ууран харайар ордук. Дьайыытын уоҕа төһө күүстээҕин уксус көмөтүнэн бэрэбиэркэлиэххэ сөп.

Биллэрин курдук, суода аһаҕас уоту умуруорарга, иһити-хомуоһу ыраастыырга, холодильник сытын хомуйарга эбэтэр тиэстэ охсорго көмөлөһөр. Норуокка тарҕаммытынан суода суурадаһын кырках кыынньар эбэтэр арыгы иһэн баран доруобуйа тупсарынарга тутталлар, ол эрээри быраастар маннык  ньымалартан туттунары сүбэлииллэр. Оттон ыарыһах күөмэйин ириҥэтин сайҕанарга уонна ириҥэлээх тирии баастарын ыраастыырга суода суурадаһынын туһанары быраастар биһирииллэр.

Мантан атын ыарыылартан суода көмөлөспөт, араак ыарыытын тохтоппот, суурадаһынын иһэр кутталлаах диэн быһаараллар.

Холобур, кырках кыынньар түгэнигэр суода суурадыһын иһин баран, аҕыйах кэмҥэ ыарыыттан босхоломмут курдук санаа үөскүүр,ол эрэн кэлин куртахха өссө күүскэ кислота үөскээн кырках кыынньан тахсара үрдүүр. Итинтэн куртах бааһырар, сүһүрэр уонна араак ыарыытыгар тиэрдиэн сөп.

Хата ол оннугар олоххо-дьаһахха, иһит сууйарга, өстүөкүлэ, сиэркилэ соторго, холодильник сытын суох оҥорорго, муоста, ардыгар таҥас сууйарга куттаммакка туттуохха сөп.