СҮБЭҺИТ: Кабачоктан барыанньа

Кабачок — олус битэмииннээх, тотоойу аһылык. Кабачоктан лечо, икра эрэ оҥоһуллубат, өссө олус минньигэс барыанньа оҥорон хаһааныахха сөп.

Эйиэхэ наада:

Икки киилэ хаҕыттан ыраастаныллыбыт кабачок, икки устуука апельсин, биир устуука лимон, икки киилэ саахар.

Кабачокпутун сиэмэтиттэн ыраастаан баран куубуктуу бысталыыбыт. Апельсин хаҕын бытархай гына кырбыыбыт, иһин туһаммаппыт. Лимону хаҕылаан кыра гына бысталыыбыт. Барытын биир иһиккэ кутан саахардаан баран, алта чаас кэриҥэ туруорабыт. Бу алта чаас иһигэр кабачок уута тахсан саахарбыт ууллуохтаах.  Ити кэннэ балтараа чаас курдук кыра уокка тэптэрэн буһарабыт.