СҮБЭҺИТ: Кофенан аһары үлүһүйдэххэ

Түргэн тэтимнээх үйэҕэ кофета суох дьон сатаммат. Кофе буортулаах дииллэр. Ордук саастаах араҥаҕа уонна оҕолорго.

Ол эрээри кофены араара үөрэниэххэ наада. Итии ууга суураллар кофе элбэх эбиликтээх буолан, кофеина да кыра. Маннык кофены саахара, үүтэ суох иһэр олус хабаххай амтаннаах буолар. Оттон туркаҕа, кофемашинаҕа оргутуллар кофе чахчы уһугуннарар, сэниэ киллэрэр кыахтаах диэн бэлиэтииллэр эспиэрдэр.

Кофены иһии киммнээххэ бобулларый?

— Үрдүк дабылыанньалаах, сүрэх-тымыр ыарыылаахтарга куһаҕаннык дьайар;

— гипертониктарга көҥүллэммэт;

— куртаҕа, быара мөлтөх дьон кыраны иһиэхтэрин сөп.

Маны таһынан кофенан аһары үлүһүйүү эмиэ табах курдук киһини үөрэтэн кэбиһиэн сөп эбит. Кофеҕа үөрэммит эт-сиин утуйа, нуктуу сылдьыан сөп. Онон сууккаҕа киһи 200-300 мг элбэҕи иһиэ суохтаах. Суураллар кофеҕа  робуста диэн чэпчэки сыаналаах суорду туһаналлар эбит. Оттон оргутуллар кофеҕа дьиҥнээх арабика буолар.

Эспиэрдэр бэлиэтииллэринэн, киһи доруобуйатыгар саамай куһаҕаннык дьайар кофенан «3 в 1» диэн бакыаттаахх түргэнник суураллар утахтар буолаллар. Баларга элбэх саахар, растительнай үүт, ароматизатор, стабилизатор кутуллар.