Сүбэһит: сылайыыны хайдах аһарыахха?

Эти-хааны эрчийиэххэ.

Дьиэ хомуйа, ас астыы сылдьан, дьыбааҥҥа сынньана сытан, кинигэ ааҕа олорон хаан эргииригэр, сис тоноҕоһугар көмөлөөх, эти-хааны чэбдигирдэргэ туһуламмыт маннык боростуой хамсаныылары оҥоруохха сөп.

1. Атаххын бэйэҕэр тардан ылан көтөх, онтон көннөр. Аны иккис атаххынан бу эрчиллиини оҥор. Сис тоноҕоһугар, атах сылайдаҕына көмөлөһөр (5-6 хатылаа).
2. Төҥкөй уонна 5 сөкүүндэ устата хамсаама. Босхо тыын (5-6 хатылаа).
3. Тыыллан баран, кэнниҥ диэки кэдэй. Илиилэриҥ көнө буолуохтаахтар, тоноҕосторгун токурутума. Босхо тыын (5-6 хатылаа).
4. Олоппос өйөнөрүттэн тутус, төҥкөйөн 10-15 сөкүүндэ тохтуу түс, сиһиҥ көнө буолуохтаах (2-3 хатылаа). Саастаах дьон күүстэринэн оҥоро сатыа суохтаахтар, эрчиллиилэр бытааннык оҥоһуллуохтаахтар.

Саха ыалын халандаарыттан,

«Айар» кинигэ кыһата, 2015 с.