Хаартыска СИА
«Тырааныспар инфраструктуратын саҥардыы» национальнай бырайыак иитинэн, бу сыл бүтүөр диэри өрөспүүбүлүкэҕэ өссө үс аэропорка үлэ түмүктэниэ. Билигин үлэлэр Черскэйгэ, Уус Ньараҕа уонна Нерюнгрига бүтэн эрэллэр.
«Тырааныспар инфраструктуратын саҥардыы» национальнай бырайыак Арассыыйа бэрэсидьиэнин сорудаҕынан олоххо киллэриллэр. Владимир Путин этэринэн, бу дьоҥҥо-сэргэҕэ, экэниэмикэни көҕүлүүргэ, дойду технологическай суверенитетын бөҕөргөтөргө кыаҕы биэрэр.
Сэтинньигэ Черскэй аэропордугар сөмөлүөт көтөр-түһэр балаһата үлэҕэ киллэриллиэ. Манна үлэ ыытылларынан сибээстээн, 2021 сыл сэтинньититтэн пассажирдары Орто Халыма пордугар тиксиһиннэрэн Ми-8 салгын аалынан көтүтэллэр. Маны сэргэ, бу сыл бүтүөр диэри Нерюнгри аэровокзалын комплекса үлэҕэ киириэ. Манна даҕатан аҕыннахха, 2021 сыллаахха салгын аалын көтөр-түһэр балаһатын уларытан оҥоруу үлэтэ болдьоҕун иннинэ түмүктэнэн турар. Маны таһынан, Уус Ньара аэропордугар сөмөлүөт көтөр-түһэр балаһатын, перрону оҥорон бүтэрэр былааннаахтар.
Кэлэр 2024 сылга Өлүөхүмэҕэ, Полярнайга салгын аалын көтөр-түһэр балаһатын уларытан оҥорууну уонна Мииринэйгэ аэропорт комплексын тутууну түмүктүүр былааннаахтар.
Сиһилии https://www.sakha.gov.ru/news/front/view/id/3375187 манна ааҕыҥ.
Ил Дархан Айсен Николаев СӨ Бырабыыталыстыбатын уонна дьаһалтатын салалтатын кытта сүбэ мунньаҕы ыытта уонна чугастааҕы соруктары …
Ил Түмэн пленарнай мунньаҕар бэлэмнэнии чэрчитинэн, Ил Дархан Айсен Николаев бүгүн, алтынньы 20 күнүгэр, парламент…
СӨ Бастакы Бэрэсидьиэнэ Михаил Ефимович Николаев 1993 сыллааҕы ыйааҕынан, алтынньы үһүс баскыһыанньатыгар Ийэ күнэ бэлиэтэнэр.…
Томаттан (помидортан) оҥоһуллар тума элбэх бүлүүдэҕэ барсар, ас амтанын олус тупсарар. Дьэ, судургу ырыссыабынан астаан…
СӨ ОДьКХ уонна энергетика министиэристибэтин кэлэктиибэ «Кладовая осени» күһүҥҥү аһымал дьаарбаҥкаҕа көхтөөхтүк кытынна. Министиэристибэ уонна…
Мииринэй оройуонугар эр киһи атын дьон кыбартыыратыгар киирэн, утуйа сытар кыыска саба түһэн күүһүлүү сатаабыт.…