Сылгыһыттар күннэригэр сэргэхтик кытынныбыт

Уус Алдан улууһугар Сыырдаахха ыытыллыбыт Сылгыһыттар күннэригэр күрэскэ Найахы нэһилиэгиттэн «Симэхтэр» иистэнньэҥнэр түмсүүлэрэ  уонна Сивцевтэр дьиэ кэргэн кытынныбыт.

Далбар хотуттар быыстапка туруоран, кэпсээн, билиһиннэрэн,  дьон сэҥээриитин ыллыбыт. Аллараа Эбэҕэ ыытыллыбыт күрэскэ сахалыы сонноох парадтаан киирдибит. Курэхтэһиигэ бэйэбит тикпит аппыт толору симэҕинэн дьөһөгөйбүт оҕотун киэргэттибит.

Эстэпиэтэҕэ Найахы хамаандата 2 миэстэни ылан, салгыы Мэҥэ Хаҥаласка барар путевка ылла. Тэрээһиҥҥэ кыттыыбыт иһин нэһилиэк баһылыга  И.П. Ильин  махтал суруктары туттарда.

Ыраас салгыҥҥа сылдьан, күрэхтэһиини, быыстапканы көрөн, олус сэргэхсийэн кэллибит. Бииргэ сылдьыбыт Тумул кыргыттарыгар махтанабыт. Аны өссө көрсүһүөх буоллубут.

Галина ЧУКРОВА, «Утум» түмсүү салайааччыта