Сынньалаҥмын уһатыам этэ диэн тохсунньуга уоппускаҕын ылан эрэҕин?

Саха сирин тоһуттар тымныыта сүрүннээн ахсынньы-тохсунньу ыйдарга түһэр. Дьон тымныы кэмҥэ дьиэтигэр олороору, Саҥа дьыллааҕы сынньалаҥын уһатаары эбэтэр бырааһынньык кэнниттэн соҕуруу баран сынньанан кэлээри, элбэх киһи уоппускатын тохсунньуга ылар. Ол эрээри, исписэлиистэр тохсунньуга уоппускаҕытын ылымаҥ диэн сүбэлииллэр. Тоҕо?

Уоппускаҕа кэлэр 2026 сылга саамай табыгастаах ый – от ыйа. Оттон тохсунньу, төттөрүтүн, табыгаһа суох диэн ыйаллар.

Уоппуска харчытын үлэ хамнаһын орто кээмэйиттэн аттаран таһаараллар. Ыйга элбэх өрөбүл күннээҕэр, биир үлэ күнэ уоппускаҕа суолталаах диэн бэлиэтииллэр.

Табыгастаах ыйдар: муус устар, от ыйа, балаҕан ыйа, алтынньы, ахсынньы.

Син табыгастаах ыйдар: кулун тутар, бэс ыйа, атырдьах ыйа, сэтинньи.

Букатын табыгаһа суох ыйдар: тохсунньу, олунньу, ыам ыйа.

Бу туһунан Объясняем РФ телеграмыгар суруйаллар.