Хаартыска: "Айар" сайтыттан.
С.Новгородов аатынан «Айар» кинигэ национальнай кыһата саха уонна элбэх омук дьоно умсугуйа аахпыт, тыйаатыр сыанатыгар көрбүт «Сүрэх тэбэрин тухары» арамааны бэчээттээн, ааҕааччыларга күндү бэлэҕи оҥордо.
«Саха литературатын саҥа кэрдиискэ таһаарбыт уонна сайдар суолун тэлбит Софрон Данилов «Сүрэх тэбэрин тухары» арамаана — күн бүгүн ааҕааччы кутун тутар, суолтатын сүтэрбэт үйэлээх айымньы. Ол кистэлэҥэ Софрон Данилов айар үлэтигэр дьоруойун ис дууһатын, туругун арыйан кини кимин-тугун, оҥорор дьыалатын ис санаатынан бигэргэтэн ааҕааччыны итэҕэтэригэр, айымньытын күүстээх психологизымнаах оҥоруутугар сытар.
Кырдьык даҕаны, арамааны аахпатах да киһи айымньы аатын, дьоруойдарын билэр. «Сүрэх тэбэрин тухары» афоризм буолан култуура араас эйгэтигэр, күннээҕи да олоххо туттуллар. Оттон Аласов саха учууталын бастыҥ хомуур уобараһа буолар, бэйэтин кэмигэр үгүс ыччаты учуутал идэтигэр угуйбута, билигин таһымнаах учууталы Аласов курдук дииллэр», -– диэн «Айар» кинигэ кыһата үөрүүлээх сонунун иһитиннэрдэ.
Саха сирин норуодунай суруйааччыта Софрон Данилов саха литэрэтиирэтигэр маҥнайгы социальнай психологическай арамаанын 1950-51, 1962-1966 cылларга суруйбута. 1967 cыллаахха суруйааччы бу арамаанын иһин П. А. Ойуунускай аатынан Судаарыстыбаннай бириэмийэни ылбыта. 1970-с сыллардаахха арамаан нууччалыы тылбаастанан, Сэбиэскэй Сойуус үрдүнэн биллибитэ, ааҕааччы биһирэбилин ылбыта. Айымньы өссө «Хотугу сулус» сурунаалга бэчээттэнэн, бу сылларга сурунаал муҥутуур ахсаанынан тахсыбыта. Ол эбэтэр сурунаал тахсар ахсаана сэттэ тыһыынчаттан сүүрбэ биир тыһыынчаҕа диэри улааппыта.
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…
Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…
Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…
Бүгүн, ахсынньы 10 күнүгэр, Саха сирин сорох улуустарыгар -49 кыраадыс буолара күүтүллэр диэн УГМС иһитиннэрэр.…