Бүгүн Бэчээт дьиэтигэр медиа-кииҥҥэ Парижка ыытыллыбыт Сайыҥҥы олимпийскай оонньуулар чэрчилэринэн “Марафон для всех” кыттыылаахтарын кытта СӨ “Сулус спорт” сүүрүктэр түмсүүлэрин амбассадордара Айгуль Михайлова уонна Виктория Андреева салайааччылаах сэргэх көрсүһүү буолла.
Ол курдук, Олимпиада историятыгар аан бастаан сүүрүүнү таптааччылар туспа сүүрүүлэрэ ыытыллыбыт. Манна Саха сириттэн Роман Саввин, Ольга Артемьева, Марфа Оконешникова кыттан, дойдуларын аатын ааттаппыттар. Кыттааччылар кэпсээбиттэринэн, бачча ыраах дойдуга кыттыыга сүүрүүнэн үлүһүйүү олук буолбут. Үгүс ахсааннаах спонсордар үбүнэн көмөлөспүттэр.
Аан дойду сүүрүүнэн умсугуйааччылара кыттыан баҕарбыт марафоннарыгар кыттар чиэскэ тиксии лотерея курдугун туһунан Марфа Оконешникова кэпсээтэ. Онон манна кыттар туһуттан төһө да Амма улууһун Алтан нэһилиэгэр олордор, олох ох курдук оҥостон, эрдэттэн эрчиллэн, Парижка тиийэр кыахтаммыт. Киниэхэ “Альфа-Спорт” сүүрэр суолу (беговая дорожка) бэлэхтээбит, “Тэтим” тэрилтэ көстүүмүн тикпит, “Новая эра” маҕаһыын битэмииннэринэн хааччыйбыт. Төрөөбүт Амматын улууһа үбүнэн күүс-көмө буолбут уонна эдэр кыыска ити курдук марафоҥҥа сүүрэр суол тэлэллибит.
“Сахатранснефтегаз” хампаанньа (А.Колодезников) бэйэтин үлэһитин Ольга Артемьеваны эмиэ марафоҥҥа кыттарыгар өйөөбүт. Сүүрүүнү сэҥээрэр кыыс Роман Саввин салайар бөлөҕөр суруйтарбыт. Үгүс тэрээһиннэргэ кыттан, эрчиллэн, ыраах дойдуга тиийэн, марафоҥҥа кыттыбыт кыыс 42 км түүн сүүрбүтүн үйэтигэр умнубата буолуоҕа.
2017 сылтан сүүрэр, сүүрүү тириэньэрэ Роман Саввин “Марафон для всех” туһунан истиэҕиттэн утуйар уутун умнубут диэххэ сөп. Этэргэ дылы, эрдэттэн бэлэмнэнэн барбыт. “Марафон маршрута даҕаны олус интэриэһинэй историялаах этэ. 42 км түүнтэн саҕалаан сарсыарда 5 чааска диэри сүүрдүбүт, ол тухары 9 муниципалитеты аастыбыт. Бу уһун дистанция устата дьон бөҕө көрө, сүүрээччилэргэ ыалдьа, интэриэһиргии турара сөхтөрдө уонна күүспүтүгэр күүһү эптэ”, — диир Роман Саввин чахчы сөҕөн уонна астынан туран. Кини ис сүрэҕиттэн Екатерина Кириллина салайааччылаах “Красный чемодан” турагентство көмөтүн иһин махтанна.
Онон историяҕа аан бастаан тэриллибит марафоҥҥа Саха сирин ааттаппыт уһун тыыннаах сүүрүктэрбитинэн киэн туттабыт.
Хаартыска: Денис Попов
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…