«Таатта» баан урукку салайааччытыттан миллиард солк. кэриҥэ харчы ирдэниэҕэ

Бэнидиэнньиккэ, балаҕан ыйын 30 күнүгэр, Саха сирин Арбитражнай суута «Таатта» баан дьыалатыгар быһаарыы таһаарда. Бу туһунан Кылааттары страховкалыыр ааҕыныстыбатын пресс-сулууспата иһитиннэрдэ.

Иһитиннэриигэ этиллэринэн, Арбитражнай суут «Таатта» баан тэрилтэтин урукку салайааччытыттан Дмитрий Рубинтан 1,1 млрд солк. тахса сууманы ирдээн ыларга уураахтаата.

Санатан эттэххэ, 2018 сылга Арассыыйа киин баана «Таатта» баан лицензиятын тохтоппутун таһынан, баан салалтата туһааннаах нуормалары тутуспатах, ону таһынан кылаатчыттар үптэрин сокуоннайа суох туһаммыт.