Таатта улууһун уонна Сунтаар cэлиэнньэтин баһылыктара бэйэлэрин баҕаларынан байыаннай дьайыы зонатыгар бардылар

Таатта улууһун баһылыга Айаал Бурцев  байыаннай дьайыы зонатыгар баҕа санаатынан барда.

Бу туһунан социальнай бэлиитикэҕэ баһылыгы солбуйааччы Святослав Сунхалыров ТАСС-ка иһитиннэрдэ. Святослав Сунхалыров чуолкайдыырынан, билиги улуус баһылыгын эбээһинэһин Руслан Захаров толорор.

Ону кытта  «Боотур»  этэрээти кытта алтынньы 22 күнүгэр Сунтаар сэлиэнньэтин баһылыга Эдуард Филиппов айаннаата.

Санатан эттэххэ, ыам ыйыгар Саха сирин үс улууһун баһылыктара баҕа өттүнэн байыаннай дьайыы зонатыгар барбыттара: Кэбээйи улууһун баһылыга Иван Левин, Муома улууһун баһылыга Дмитрий Аммосов уонна Аллараа Халыма улууһун баһылыга Валерий Сентяков «Боотур»этэрээт састаабыгар киирбиттэрэ. Балаҕан ыйыгар Ыччат министиэристибэтин миниистирэ Петр Шамаев эмиэ байыаннай сулууспаҕа  хантараак түһэрсибитэ. Биэдэмистибэ салайааччытынан Арассыыйа Дьоруойа Игорь Юргин үлэлиир.