Хаартыска Гаврил Вырдылин тиксэриитэ
Таатта улууһунааҕы Былатыан Ойуунускай аатынан норуодунай тыйаатырыгар 2000 сыллардааҕы Арассыыйа эстрадатын сулустара Никита Малинин уонна «Турбомода» бөлөх кэнсиэрдиир үһү диэн сурах тарҕанна. Бу сурах хайдаҕын-тугун билээри, Таатта улууһун култууратын салайааччыта Гаврил Вырдылиҥҥа сибээскэ таҕыстыбыт:
— 2025 сылга Тааттаҕа успуорт национальнай көрүҥнэригэр 22-c «Манчаары» оонньуутун спартакиадата буолар. Онно Саха сиригэр былаан быһыытынан Арассыыйа эстрадатын сулустарын аҕалыахтаахтар. Биһиги ол улахан тэрээһиммитигэр бэлэмнэнии чэрчитинэн, быйыл Арассыыйа эстрадатын 2000 сыллардааҕы сулустарын Никита Малинины уонна Евгений Холмскай диэн «Турбомода» бөлөх солиһын ыҥырдыбыт. Биир дойдулаахпыт Петр Алексеевич Кулаковскайы кытта үлэлээтибит. Олунньу 24 күнүгэр норуодунай тыйаатырбытыгар кэнсиэр буолар. Мунньахтаан баран сыанатын уларыттыбыт. Ол курдук, 2500 солкуобай оҥордубут. Манна 18 саастарын ааспыт дьон сылдьыахтара. Кэнсиэртиир саалабыт иннинээҕи эрээттэрин ылыахпыт уонна онно үҥкүүлүүр былаһаакка оҥоруохпут. Дьокуускайтан анаан-минээн уот-күөс, тыас-уус аҕалтарыахпыт. Түгэнинэн туһанан, Томпо, Чурапчы, Таатта 2000 сыллардааҕы ыччаттара уо.д.а улуустартан дьону ыҥырабыт. Бу тэрээһиҥҥэ байыаннай эпэрээссийэҕэ сылдьар уолаттарбыт дьиэ кэргэттэрин дастыбырыанньаларын көрдөрдөхтөрүнэ, босхо сырытыннарабыт. Билиэт миэстэнэн атыыламмат. Маннык Арассыыйа эстрадатын ырыаһыттара кыттыылаах улахан тэрээһини бастакыбытын ыытан эрэбит.
Алтынньы 16 күнүгэр Владимир Путин уонна Дональд Трамп төлөпүөнүнэн кэпсэтэн, эбиитин Венгрияҕа сирэй сирэйгэ көрсүөх…
Бэҕэһээ, алтынньы 23 күнүгэр, 14:28 ч. Баһаарынай-быыһыыр сулууспаҕа Үөһээ Бүлүү улууһун киинигэр чааһынай гарааска умайыы…
Бэҕэһээ 2-с Наахара нэһилиэгин Балыктаах күөлүгэр үгэскэ кубулуйбут улуус оскуолаларын үөрэнээччилэрин төрүт дьарыкка уһуйар муҥха тэрилиннэ.…
Сэтинньитээҕи бырааһынньыгынан сибээстээн, Социальнай пуонда кыраапыгынан ый саҥатыгар түһэр оҕо босуобуйатын, болдьоҕун иннинэ ыытыаҕа. Ол…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Хой Хой бэлиэлээхтэргэ тус дьоҕуру сайыннарыыга табыгастаах нэдиэлэ үүммүт. Барыы-кэлии, соһуччу көрсүһүү, билсиһии күүтэр. Бу…