Салгыы
Тааттаҕа Арассыыйа эстрадатын сулустара кэнсиэрдиэхтэрэ

Тааттаҕа Арассыыйа эстрадатын сулустара кэнсиэрдиэхтэрэ

08.02.2023, 19:30
Хаартыска Гаврил Вырдылин тиксэриитэ
Бөлөххө киир:

Таатта улууһунааҕы Былатыан Ойуунускай аатынан норуодунай тыйаатырыгар 2000 сыллардааҕы Арассыыйа эстрадатын сулустара Никита Малинин уонна «Турбомода» бөлөх кэнсиэрдиир үһү диэн сурах тарҕанна. Бу сурах хайдаҕын-тугун билээри, Таатта улууһун култууратын салайааччыта Гаврил Вырдылиҥҥа сибээскэ таҕыстыбыт:

— 2025  сылга Тааттаҕа успуорт национальнай көрүҥнэригэр 22-c «Манчаары» оонньуутун спартакиадата буолар. Онно Саха сиригэр былаан быһыытынан Арассыыйа эстрадатын сулустарын аҕалыахтаахтар. Биһиги ол улахан тэрээһиммитигэр бэлэмнэнии чэрчитинэн, быйыл Арассыыйа эстрадатын 2000 сыллардааҕы сулустарын Никита Малинины уонна Евгений Холмскай диэн «Турбомода» бөлөх солиһын ыҥырдыбыт. Биир дойдулаахпыт Петр Алексеевич Кулаковскайы кытта үлэлээтибит. Олунньу 24 күнүгэр норуодунай тыйаатырбытыгар кэнсиэр буолар. Мунньахтаан баран сыанатын уларыттыбыт. Ол курдук, 2500 солкуобай оҥордубут. Манна 18 саастарын ааспыт дьон сылдьыахтара. Кэнсиэртиир саалабыт иннинээҕи эрээттэрин ылыахпыт уонна онно үҥкүүлүүр былаһаакка оҥоруохпут. Дьокуускайтан анаан-минээн уот-күөс, тыас-уус аҕалтарыахпыт. Түгэнинэн туһанан, Томпо, Чурапчы, Таатта  2000 сыллардааҕы ыччаттара уо.д.а улуустартан дьону ыҥырабыт. Бу тэрээһиҥҥэ байыаннай эпэрээссийэҕэ сылдьар уолаттарбыт дьиэ кэргэттэрин дастыбырыанньаларын көрдөрдөхтөрүнэ, босхо сырытыннарабыт. Билиэт миэстэнэн атыыламмат. Маннык Арассыыйа эстрадатын ырыаһыттара кыттыылаах улахан тэрээһини бастакыбытын ыытан эрэбит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июня
  • 20°C
  • Ощущается: 19°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: